مقتطفات من قصائدي تعانق احساسكم

صايم ومالي في الشعر اي حاجه=وماللشعر في خاطري اي تأثيـر
شفت الكلام العذب يضحك حجاجه=وحرصت مايخطي معي اي تفسير
متى ظلام الوجد يشعـل سراجـه=ويسوق قلبك يمنا سايـق الخيـر
قلـبٍ يحبـك لاتعمّـد احراجـه=قلب الكرامه مايجي منه تقصيـر

.........................

في معركه شوقي معك صرت ذبـاح=وفي معركه وجدي معك صرت هاوي
غلاك في جسمي مـع الـدم سبـاح=ارفق شوي بصمت قلـب الشقـاوي
يابو فهد قله تـرى الحـب فضـاح=ذيب الصبر في قلبي اليـوم عـاوي

....................

لحظه وقلي وش بلا القلب ناداك=قلي علامك تسرق القلب منـي
تعال سلم واعطني لمس يمنـاك=ونبضك وشوقك سلموا واحتوني
قلب نهيته عنك كم مره وجـاك=وحواس وجدي بالنهايه عصني
...............................

يانور الليل وشمعاته ياورد الصبح ونفحاتـه=انا كلي معك ذايب تجيني والهـوى ذبـاح
ياهمس الشعر واوزانه يافرحه طفل واحزانه=تعالي والمسي شوقي يبي في قربكم يرتـاح
حياتي ياشقا الولهان انا من بعدكم عطشـان=اقاسي موجك العاتي وماشي بالهوى سبـاح

الله الله

صح لسانك وعلا شانك ابيات في قمه الرووعه

من جد شاعر الله يخلي لنا ذاقئتك ومقتطفاتك الرائعه التي تضفي الجمال لمحبي الشعر

دمت ودام نبضك

يعطيك لعافيه اخوي ومنور المنتدي برجوعك

دمت بخير

صح لسانك


مشكوووووور والله يعطيك الف عافيه

الأخ العزيز " النايف 111 "
اسعد الله اوقاتك بكل خير,,
تحضر دائما بجمال الحرف
لله دركـ والله لا يضركـ
صح قلبكـ وسلم بوحكـ
رائع انت بهذهـ المقتطفات الرائعه,,
تحيآتي ..

اخوك / الـساهر,,

لحظه وقلي وش بلا القلب ناداك
قلي علامك تسرق القلب منـي

تعال سلم واعطني لمس يمنـاك
ونبضك وشوقك سلموا واحتوني

قلب نهيته عنك كم مره وجـاك
وحواس وجدي بالنهايه عصني



صــــــح الله لســـــــانك..

<< نورت المنتدى من جديد >>


تحيااااااااتي..