۞ طــالبـك لا يطــوّل غيــــابــك عــن إسبــــوع ۞

إسبــوع مــرّ ولا وصـــل منــك مـرسـال
يـا قــوّ قلبـك كيــف تقطعنـي إسبـوع ؟!

الجـوع كـافر .. وإنـت مــا تـرحـم الحـال
وأنـا عليـك مـــن الــولــه ميــت ٍ جــوع

يـاللي غيابك صعـب يطري على البـال
تركتنـي ضايـق .. وحـايـر .. ومفجـوع

مــا كنّـــي إلاَّ شــايــب ٍ فــاقــد عـيـال
ومــا كنّـك إلاَّ محـــرم ٍ حــق مشــروع

يفـــوع لــك قلبــي ليّـــا مـــرّ الأطــلال
يـاليـت مــالـي قلـــب يشتــاق ويفـوع

حسبـي عليـك إشلـون قطعـت الأمال
بـ أمـوت لـَ صـار الأمــل فيـك مقطــوع

يــا صــاحبـي مـــا كــل نــزّال رحّــــال
إنت الحيّـا مــن وين مـــا رحـت متبـوع

نسيــانـي لـ زول ٍ بـ الأعمــاق يختـــال
أصعب على صـاحبك مــن حبـة الكـوع

لـو الثمــن فــي شـوفتـك عمــر رجـال
كــان الثمـن مـن يوم مـا غبـت مدفــوع

ولـــو القــدر مــا تــم قـــولـــه ليـّـا قــال
ما ضاق صدر .. ولا إنحنى راس مرفوع

يــا صـاحبـي عشقتنـي فعــل وخصـال
وأنـا عشقتـك شعـر وإحسـاس وطبـوع

وشلـون تتـركنـي كــذا لا اشهـب الـلال
وقــدّام عينـــي تجــف ينبوع .. ينبـوع !!

وأنــا عشـانـك جيـــت والغيــــم همّــال
أسيّـــل الــوديــان ... وأداحــم جـمـــوع

مــا ردّنـي عنـك { سوالـيـف عــذال }
تزعــل عليّ ربـوع ... وتقــدّر ربــوع !!

كــان المهــم أعيشــك جنــون ووصــال
ويكـون لـي كلمه ..ولــي رآي مسمـوع

واليـوم ضـاقت بـي من الجـال لـِ الجـال
فـرقاك تقصـم ظهـر .. وتحـز .. وتلـوع

لــو جيــت شفـت الحال ماسـرّك الحـال
في غيبتك ضايـق .. وحايـر .. ومفجـوع

هـذا غيــاب إسبـــوع وشلــون لــو طـال
{ طـالبك .. لا يطـوّل غيابـك عــن إسبوع }







** لـ الشاعر : محمد السهلي

ياعيني عليك اخوي كرمال بجد القصيده بقمة الروعه

ويعطيك العافيه على اختيار القصيده

ودمت بحفظ الرحمن

الجـوع كـافر .. وإنـت مــا تـرحـم الحـال
وأنـا عليـك مـــن الــولــه ميــت ٍ جــوع


سلمت اناملك على الاختياار الراائع

صح لسان السهلي

وانتظر جديدك كرمــــــ عيونك ــال

ابيات رائعه وصح لسان قائلها


وتسلم انا ملك علي الا نتقاء والنقل

يعطيك العافيه

دمت بخير

واليـوم ضـاقت بـي من الجـال لـِ الجـال
فـرقاك تقصـم ظهـر .. وتحـز .. وتلـوع

لــو جيــت شفـت الحال ماسـرّك الحـال
في غيبتك ضايـق .. وحايـر .. ومفجـوع

هـذا غيــاب إسبـــوع وشلــون لــو طـال
{ طـالبك .. لا يطـوّل غيابـك عــن إسبوع }




اختياااااااااااار مميز..

يعطيك العافيه..


تحياتي..