مثــل النفــــل والشيـــح

معزتك عندي تراها كبيره \\ احساس له حشمة وعزٍ ومقدار

فاح العطر والناس شمة عبيره \\ وغلاك فعيوني فضح كل الاسرار

يامحلا طاريك في كل سيرة \\ احبها حب الصحاري للامطار

اشغلتني والروح دايم خطيرة \\ من كثر شوقي والعنا دوم صبّار

عصفور قلبي داله في مطيره \\ وليته بقى بالقلب امسى ولا طار

ليت للهوى قاضي اجي واستشيره \\ واقوله حطوا على دربه اسوار

مابي احد ومابي من الناس غيره \\ وماطاعني قلبي بغيره ولا اختار

مثل النفل والشيح في كل ديرة \\ متميز مابين روعات الازهار

ياعاذلي روحي بحبه خبيره \\ وغلاه في ديجور الايام زوار

خلا عيوني بالهوى مستنيرة \\ مثل البدر يضوي على كل الاقطار

حبه برادي والجفا هو هجيره \\ وان غاب عني شب في صدري النار

معزتك بعيون قلبي أسيرة \\ ياشمس صبح الحب يانبع الانهار



شعر// النايف111

ضع تعليق بحسابك فى الفيس بوك