مجرد دعابة لمشرفة الشعر (( إحساس اروع ))

شعر غير معروف المصدر :

ياقبس ضوئى فى دروب حياتى ولولاك لكان الظلام أماتى
ياقبس عمرى ضــــــــــــــــوى بصيص فى ظلام الليل زاد تهوى
نبت براعم خضر منها تــــــــواء رجع الامل فى سلواك ومناجاتى
ياصوت صادح بالحنين تهـــــــوى يانغم من الماضى ( وقض ) سنواتى
يانهر خالد عم سهلـــــي روى بعد الجدب والصيف عم اوقاتى
كميت فى أسنين أسنين جرحى جوه قبس نور دربك الامل يامشكاتى
لا تفطمينى اليوم ديرى مروه بجاه منو قال إسماك عز بناتى

ياقبس يضوى بنوره ينسج ملاحم خضر فى المعموره
طيفك عبدنى فى خيالى صوره بدى فى القوافى راقصه كلماتى
بركان شعرى أسنين خامد شوره تحرك كما ( فيزوف ) فى مافاتى
بعد الخريف العمر تعبوا اموره جانى ربيعك نورت نبتاتى
ياشذو ورد الفايحات عطوره يانغم قيتاره امتزج باصواتى
ياصوت (كنارى) شجى بدوره كيف ما (السنونو) فى الربيع اتهاتى
يالحن (كمنجى) طغى فى بحوره مقام الصبا والرست والبياتى
ياما جرالى فى سنين وعوره خافيه عنك خلف من البسماتى
فى وقفوا الابداع بعد حضوره الايام وهموم الزمان العاتى
ياما جرت أيام مش ميسوره وياما طفى الابداع طال اسكاتى
لين طل لى ضى القمر بنوره ياما إبتهلنا ليه صار صلاتى
ترهبنت ياقديستى المشهورة تراتيل كلماتى بدت فى ابياتى
يــــــــــــــــاريحانه يانسمة الفجر البهئ بأشجانه
وياورد زين امفتكات اغصانه يافل يا ياسمين ذكرياتى
فيك من اوصاف تفوق عل وصفانه وفيك من طلوع البدر هز ثباتى
إيشابه اطلوع الشمس فى طلعانه فعز الشتاء والناس فيه مشاتى
وفيك من شبيه الرمح فى ركزانه فيد تارقى من (اليير) بالحرباتى
وفيك من بقر الوحش فى وديانه أسماه المهاء بوعيون مفلوتاتى
وفيك من شبيه الريم فى قفزانه أنتى الجيد جيده سمحة البسماتى
وفيك من جمال الروم وان زمانه وفيك من انقاش الفرس ياغاياتى
وعقبوا (السلافيات) وان إوانه من الحوض (للدانوب)(للسوفياتى)
ولا هناك فى (الجرمان) وين مكانه ولا هناك فى (السكسون) لا لخراتى
إتنسى بلاد (الانجليز) ديـــــانا اتفوق شهرتك شهرة المشهوراتى
وبشرة بنات (الترك) زى الجمانه وفيك من (الحبش) مضحك الحورياتى
عذبه عذوب (النيل) فى جريانه وكيف ما (الفرات) أسماه فى الاياتى
وازهار (بردى) وعطرها شرقانه وفيك من جبل (لبنان) والنسماتى
وفيك من امواج البحر واستحسانه كما امواج (طنجه) اتداعبى فى الشاطئ
ياهرم بدعه خالقى سبحانه احذاه هرم (خوفو) من بعيد مواطى
خفنا العالم يعبدوك ديانه ايديروه تمثالك من الذهباتى
احبار (يهوه) ايسيبوا عبدانه ايجوك يرقصوا ويعفسوا (التوراتى)
اتباع المسيح وشيعته وصلبانه ايجوك يركعوا والحال فى حالاتى
وتمثال (بوذا) يكسروا كهانه ايديروه تمثالك بديله واتى
وهذه قصيدة شعر شور فلانه ويشطح خيال الشعر بالدرجاتى
ياقبس ضوى فى دروب حياتى ولولاك لكان الظلام أماتي

ضع تعليق بحسابك فى الفيس بوك