|
|||||||
| القسم العام , نقاش , اجتماعي , منوع , اخبار , مواضيع هادفة مواضيع عامه ، نقاشات ساخنه ,, مواضيع منوعة , مواضيع عامة , مواضيع اجتماعية , احداث |
 |
|
|
LinkBack | أدوات الموضوع | انواع عرض الموضوع |
منذ /22/07/2009, 10:20 AM
|
#1 | ||||||||||
|
(( سيد الشخصيات ))
 
|
سعودية 23 سنة تكتب قمة المنطق .. لا شلت يمينها .. وجزء من وآقعنا المؤلم ..
سعودية 23 سنة تكتب قمة المنطق .. لا شلت يمينها .. وجزء من وآقعنا المؤلم ..
السلام عليكم ورحمه الله وبركآته أقسم إننا في وحل الظلام نغوص ومن الثرى نلطخ الوجوه ومن العيب نقول ما نقول ومن سفاف الأمور أصابنا الحدث ولكن يا أصحاب العقول يا من تملك الأمور هل أنت في أجبار النفس على إتباع ما لا تريد والرد على أقزام السطور هناك أناس تكتب ولا تعلم ما تكتب وهناك أناس تكتب وتعرف ما تكتب وهناك من يقرأ ولا يتدبر كلام مليان برغم بساطة الأسلوب إلا أنه وضع اليد على الجرح بكل وضوح، والأجمل أنه من بنت لا زالت تعيش ريعان الشباب وتتكلم عن واقعها الذي تعيشه !! فجزى الله كاتبته خيرالجزاء .. أقل ما نقدمه هو نشره على أوسع نطاق في المنتديات والإيميلات .. فلنكن إيجابيين .. دعونا نساهم بتغيير هذا الواقع المؤلم الذي نعيشه .. ويا ليته يصل أيضاً لبيوتنا .. لبناتنا ونسائنا لعله يحدث ولو شيئاً من التأمل والتفكير ومراجعة الحسابات ندخل في الموضوع وراح أتكلم بعفوية وتلقائية لأن الكلام اللي يطلع من القلب مباشرة يدخل القلب لأني عارفة رقي العقليات اللي بأحاورها أنا فتاة عمري 23تغيبت عن مجتمعنا السعودي 8 سنوات ورجعت له من شهرين صراحة تفاجأت وانصدمت من التغيرات اللي حاصلة في المجتمع بكل فئاته وطبقاته .. في النوادي الرياضية..في الأسواق..والأهم في الجامعات والمدارس..وفي المنتديات والمدونات تمنيت أني ألقى المجتمع تطور للأمام..أو تقدم للأفضل لكني للأسف لقيت النقيض رجوع خطوااات للخلف..من جميع النواحي قد يكون كلامي فيه غلظة شوي بس يقول لك المثل يا بخت من بكاني وبكى الناس علي ولا من ضحكني وضحك الناس علي تساؤلات كثيرة أرددها بيني وبين نفسي وما ألقى لها أي جواب وأنا متأكدة أنها تتردد على كل رزين وعاقل شرواكم هل لما زادت رفاهية الحياة يزداد تخلفنا؟؟ هل لما تطورالعلم وتسهلت الطرق له يزداد جهلنا؟؟ ليه صرنا مجتمع سطحي لاهم ولا رؤية ولا رسالة ولا هدف من الحياة التفكير والتركيز على المنظر والمظهر فيه كاريكاتير أول ما شفته زعلت لكن ألحين حسيت إنه أبلغ من كتب ممكن نكتبها الكاريكاتير يمثل شعوب العالم فمثل الشعب السعودي بكرتونات مزينة وإذا فتحتيها لقيتيها فاضية وهذا واقع البنات اليوم مظهر ومنظر ولو تقولين لها 1 ×1 كم؟ تنحت لو تقولين لها وش آخر كتاب قريتيه؟ قالت هااااه "بغض النظر عن الروايات التافهة اللي طايحين فيها هالفترة" ----------- لو نص هوس المظاهر هذا كان على عقولنا لكنـّـا أنجح الشعوب لأنه ببساطة كل شيء متوفر عندنا لا ناقصنا مال ولا قدرات عقلية ------------------ الأجانب فلوسهم رايحة على تعليم عيالهم وتثقيفهم وصحتهم تلقين راتب الأب والأم ضئيل ومستحملين شظف العيش عشان يرسلون ولدهم برى يدرس شهادة عليها القيمة بينما عندنا يستحملون الديون والأقساط عشان تسوي زواج كله إسراف وتبذير وآخرته الناس طالعة منتقدة وإلا ديون وأقساط عشان تقول صيفنا برى شهر كامل والله أعرف وحدة شخصيا تقول السفر بالنسبة لي عذاب لأننا إذا سافرنا طول السفر طقاق أنا وزوجي وأنا أحرسه لا تناظر وهو يحرسني لا تناظرين ..قلت طيب خلوا سفركم لبلدان محافظة أو لا تسافرون حطوا فلوسكم في البيت تغيير ديكورات وأثاث عصصصبت قالت خيييير سلايفي لين سولفوا أصير بينهم ما سافرت وإلا إذا سولفوا صديقاتي إلا أنا ما سافرت وش بيقولون عني !!!!!!! مافيه تعليق ----------------------- أنا لما جيت بعد هذي المدة توظفت في بنك ولاحظت إنه إذا جت العميلة أم ساعة ألماس فخمة وشنطة قوتشي الكل يتبادر لخدمتها وإذا جت العميلة اللي مظهرها ما فيه بهرجة.. تستجدي الموظفات يجون يساعدونها والمضحك في الوضع إني ألاقي العميلة البسيطة ما شاء الله حسابها شي وشويات..وهذي أم البهرجة حسابها بالسالب(عليها قروض وسيارات تقسيط)..وعنوانها يا إما شقة وإلا أجار مو انتقادي على القرض ولا على السكن انتقادي هو إنك مكلفة نفسك بالديون والقروض عشان شويتين نظرة إعجاب من الناس بس ما ألومك لكن ألوم المجتمع اللي صار سطحي..يحكم عليك بموديل جزمتك ---------------- أول تصنيفنا للمجتمع كان جامعية مثقفة عاقلة متربية قليلة أدب دينة بنت ما ربوها أهلها يعني كان مقياسناالدين والتعليم والتربية أما ألحين صار تقسيمنا للمجتمع لو كلاس هاي كلاس بنت ستايل بنت قروية فعلا تصنيف متخلف رجعي سطحي يعني رجعنا للجاهلية وإحنا ألحين ننادي بالعولمة والعالمية والتطور والتحضر الحضارة تبدأ بالعقول ------------------- من جد من كثر ما أنا منهارة من هالوضع والله مو عارفة وش أكتب أروح لنادي رياضي ألاقي ملابس يستحي إبليس يلبسها تمشي الوحدة وعفوا يعني ما أدري كيف بأقول هذا الكلام بس مضطرة خطها من ورى طالع.... لأنها لابسه المجرم المدعو لو ويست...ياااااه .... وصلت أن العورة المغلظة تطلع زيها زي الخد والخشم..ما أدري وش أقول وش أخلي طبعا هذا غير الاسترتشات اللي لما تتمدد يطلع البنطلون شفاف..شيء يجيب الغثيان.. المشكلة نتدرب في كلاسات كلها مرايا يعني ماتستائين من منظرك!!!!! الصدور طالعة إلى الحلمة..تقولين بترضع ولدها..الكلام الماسخ وقلة الأدب.. والصداقات اللي تجاوزت جميع الخطوط الحمراء عند البشر.. وفي اعتقادي حتى البهايم تربأ بنفسها إنها تسوي اللي نشوفه في الأماكن العامة بين البنات..بوسات وأحضان سخيفة ولمسات والله المتزوجة تحتاج مدة على ما تتجرأ تسويها مع زوجها المشكلة إن أول كان هذا الشيء نكرة + قلة تربية + عند بنات متوسط + خفية عن الأعين أما ألحين علنا قدام الله وخلقه + بنات كباااار تجيك أم 23 أو 24 سنة عندها على قولهم "خوية".. آآه بس أي مجتمع بتربين ؟؟ وأي نشئ بيصعد على يديك؟؟ من أسبوعين اتصلت وحدة سعودية على مشرف تربوي قالت أنا معلمة كلمت واحد وحبيته وقال..و..و..وكملت تفاصيل حماقتها .. اللي من جد فشيلة على القنوات ينقال أنه هذي سعودية قال لها الدكتور "..وش هالخداج معلمة وهذا عقلك.. أي جيل بتخرجين لنا..وين مخك..وين تربيتك " يعني تعدينا مرحلة أنهم رجعوا للمراهقة.. هم رجعوا لما دون ذلك ----------------------------- أخذت اللغة على يد أمريكية..عاشت في أمريكا 10 سنوات من زواجها و3 سنوات في السعودية.. لأنها متزجة سعودي تقول أنا توقعت السعودية بتسهل علي تربية عيالي لكن اكتشفت العكس برى لما يشوفون غلط أقول لهم هم كفار ينبسطون شوي وآخرتها النار بس إحنا مسلمين ننحرم شوي وبنتمتع فورإيفر في الجنة تقول وكانوا مقتنعين والأمور تمام أما هنا لما يسألوني عن أشياء غلط يشوفوها في الفيصلية"والله كلامها نصا" أتلعثم وما ألاقي حجة مقنعة>>طبعا هم يعرفون كيف يحاورون عيالهم ما تقول له إلا كلام مقنع ومنطقي شوفي مخ عيالهم ومخ عيالنا نرجع لها تقول صرت أقول لهم "there are good muslims & bad muslims" ---------------------------------- هذا الصرح الرائع اسمه مملكة المرأة 99% من مواضيعه عن المظاهروالشكل هل عالم المرأة في قطعتين الملابس اللي تلبسها؟؟ >> لا وكل مالها تتقلص هذي القطعتين وين ثقافة المرأة؟ وين أساليب الحوار؟؟ وين القضايا الدينية اللي تخص المرآة؟؟ ------------------------ يا كثر ما نسمع ماتوقعت الزواج كذا ؟ انصدمت بالحياة اليومية في الزواج؟ ما قدرت أفهم زوجي..... عارفين ليه لأن منتدياتنا النسائية ثقافتها "بسررررعة بنات وين ألقى بانتي أحمر ..عشاني بألبس في الحفلة لوو ويست" وإلا "مين أفضل مركز ينظف لي البكيني بالليزر؟؟" صارت البكيني منطقة عادي تطلع؟ تتقلبين على السرير بمنظر مقزز ومقرف.. وبدون ولا نقطة حياء؟؟ والله لو أمك اللي بتشيل لك بالليزر كان استحيتي وين الحياء؟؟ مات؟؟ وإلا نخنقه عشان ما يسيطر على تصرفاتنا؟؟ وإلا اللي كان ماسك البنات شدة الأهالي؟؟ لما خفت شفنا الهوايل؟؟ وإلا الدين انحصر في صيام 30 يوم في السنة و5 صلوات في اليوم بس؟ كلها 8 سنوات تفاجأت وانصدمت وما أدري متى أقدر أستوعب هذي التغيرات اللي أتمنى تتعدل للأفضل ولا أحتاج أستوعبها أتمنى أنها تكون نزوة وقريب تتلاشى وتصير ذكرى أليمة في الماضي ونقول كنا وكان أتمنى يصير الخطأ شيء عيب ما نتفاخر به ونعتبره مقياس على مدى حضارتنا -------------------------- ليه صرنا نستحي من الدين ومن العادات "أنا أتكلم عن العادات الصح مو المتخلفة" تجي كوافيرا تقول لو ما عندك تحفظ على الإكستينشن أعمليها!! صارت المسألة تحفظ؟ صار اللعن أمر قابل للنقاش والتحفظ؟ صار الوصل ينصح به في المنتدى على مسمع من مايزيد عن خمس مية بنت وياليت وحده ردت وقالت حراااام من واقعنا الكوافيرات أغلبهم نصرانيات عقيدتها المسيح ابن الله بس الشرهة علينا إحنا يا أمة لا إله إلا الله لو ما كانت شايفة جرأتنا وتمردنا على الدين ما قالت كذا هل كان قبل التوصيل عيني عينك يكتب في بروشور الصالون؟؟ جنب السشوار والتسريحة.. لو أقدم لك كريم وأقول لك لو ما عندك تحفظ على السرطان جربيه تراه يبيض وش ردة فعلك؟ فيه ردة فعل غير إنك ترمينه علي..وتنبهين قرايبك منه .. وتحذرين البنات في المنتديات --------------------------- وحفلات التخرج وحفلات النجاح والدي جيهات والزواجات كلها معازف وأنواع التفنن موسيقى وعود وأورج وإلى آخر الليل وإلى الثلث الأخير.. وعادي .. ما فيه اللي يقول للغلطان تراك تماديت بالغلط آخر الليل إذا ربي تفضل علينا ونزل لسمانا الدنيا هل من داعي؟ هل من مستغفر؟ هل من تائب؟ عذرا يا رب إحنا مشغولين مع محمد عبده وأحلام دوروا الدنيا بكل أبعادها هل فيه ملك ينزل لك كل ليلة ويقول لك " تبين شي؟ " أتفه ملوك الدنيا تلقين عنده 10 سكرتارية وبينك وبينه 10 أبواب والدخول عليه بموعد إن كان يتنزل يقابلك من الأساس أعجبتني عبارة لداعية مصري قال: " ربنا ينزل كل يوم ينادي حد عايز حاقة.. وإحنا مشغولين عنه.." ---------------------- تجيك الوحدة تشتكي وقريتها هنا في المملكة تقول ياربي أنا كنت أكلم واحد وحبيته ولما تزوجت ما حبيت زوجي وتحملت قلة حبي له وبعد كذا اكتشفت إنه يكلم وحده وانهارت أعصابي طيب.. وين الغريب في الموضوع ربي قالها مدوية في القرآن وصريحة "الخبيثاتُ للخبيثين والخبيثون للخبيثات والطّيِّباتُ للطّيِّبين والطَّيِّبون للطَّيِّبات" يعني قمة الخبث والخيانة خنتي أهلك وربك وتبين واحد طاهر.. نظيف... قلبه عذري مافي حياته إلا أنتي وأنتي في حياتك عشرة قبله عجب !!! -------------------------------- هذا غير الصور الشخصية وعبارات وصورالتوقيعات اللي كلها إيحاءات سيئة وسخيفة وفيديوهات التوقيعات هذي لها نصيب الأسد في السوء إحنا أرقى من كذا أبصم بالعشرة أن كل قارئات موضوعي هذا متعلمات.. جامعيات.. أو في طريقهم للجامعة ليه أحط صورة فاتنة لو مر عليها ولد حركت غرايزة لا تقولين هذا سيكشن خاص بالمرأة أتوقع كلنا سعوديين وأعرف الناس بشبابنا قولي هنا ريحة حرمة وشوفي ردة فعلهم وحتى؟أغلب العضوات يكتبون في أقسام أخرى والتوقيع والصورة ثابتة لا تقولين هو لو يبي يشوف شاف ما عليك منه عنده رب يحاسبه..بس لا تكونين سبب يجي الشخص يوم القيامة تعرض عليه أعماله السيئة أنتي كذبتي أنتي أظهرتي مفاتنك لرجل أنتي أخرتي الصلاة في اليوم الفلاني أنت..أنت..أنت زنيت يقول يا ربي ما زنيت يقول له لكنك ساعدت أحدهم على الزنا وكان عليك مثل وزره والآية صريحة والحمدلله إننا عرب نفهمها بدون مترجم: " ليحملوا أوزارهم كاملة يوم القيامة ومن أوزار الذين يضلونهم بغير علم ألا ساء ما يزرون" عارفة وش معنى بغير علم يعني أنتي مو منتبهة لاهية في حياتك بس فيه عداد معاصي على ظهرك يحسب هذا إهداء للبنات اللي يدخـّـلون الشباب للأسواق في أيام العوايل لما يمنعهم السكيورتي هو بيدخل ويرقم وتبدأ علاقة أنتي السبب فيها وهذا إهداء للي تدل على مواقع سيئة وهذا إهداء للي ترسل رقم واحد لزميلتها الواحد يالله يستحمل ذنوبه.. يروح يشيل ذنوب الناس والرسول صلى الله عليه وسلم يقول " أيما داع دعا إلى ضلالة فاتبع فإن عليه مثل أوزار من اتبعه من غير أن ينقص من أوزارهم شيء وأيما داع دعا إلى هدى فاتبع فله مثل أجورهم من غير أن ينقص من أجورهم شيء "أخرجه مسلم -------------------------- والموسيقى اللي صارت زي الاكل أصلا صارت هي التحية والافتتاحية في المواضيع في المنتدى سيكشنات مخصصة للأغاني!! وكأن الأغاني عادي مثلها مثل تبادل الأخبار وأسعار الأسهم أفتح مواضيع هنا في مملكة المرأة إلا مقطع الصوت تلقائيا شغال أورج يعني بالقوة؟ ما دخلت سيكشن الأغاني..بس برضو مضطرة أسمعها؟ وهذا تجاوز للحدود والحريات والمفروض يكون أحد شروط كتابة المواضيع منع هذا الشيء لو بأنزل طبخة في وسط موضوعي قلتوا: خير؟ غلطانه الأخت في العنوان وبالنسبة للبنات اللي ينزلون زفاتهم الموسيقية كم وحدة مرت على الموضوع من الأعضاء وسمعتها + كم وحدة مرت على الموضوع من الزوار وسمعتها + كم وحدة بحثت في قوقل وطلع لها موضوعك + كم وحدة أعجبتها الزفة وحطتها في زواجها اللي بتحضره 400 مدعوة وعداد المعاصي شغال في ظهرك وياطول الحساب ---------------------- زميلاتي في ثانوي لما شفتهم من كثر ذهولي صرت أشك في نفسي يعني لو وحده تغيرت تزعلين ويضيق صدرك عليها لكن لما 6 كلهم تغيروا وش ردة فعلك إلا العجب لا.. وأمر الحواجب هذا أمر عجيب ما أدري هل نزلت بعدي فتوى جديدة بجواز النتف؟ نتف وتاتوو .. والضحكة شاقة فمها.. وكأن شيئا لم يكن لو أقولها الله يلعنك بتزعل لكن رب العالمين يمسـّـيها ويصبـّـحها على لعنة إتز أوكي عندها وإلا تجيك أم 14 سنة توها داخلة عالم النتف"عالم اللعن" أسفل حاجبها كله أخضر فعلا.. صرنا على قول المصريين نضحك على خيبتنا ----------------------------- أما حكاية العبايات هذي يعني من جد كارثة أقابل ربي في الصلاة محجبة وأقابل الشباب في السوق بالعيون اللي فيها كيلو مكياج والغرة المنسدلة أي تناقض هذا؟ أي ديانة هذي؟ أي أخلاق؟ عبايات وإلا فساتين؟ القضية اجتاحت حتى الأمهات حريم كبار والله الشعر اللي فوق أذنها بدى يغزوه الشيب وتقول لي تعرفين غرز الكروشيه بأحطه في عبايتي يعني خافي الله في هالشيبات جده والله العظيم وش بقيتي لبناتك المراهقات إذا أنتي بتزينين عبايتك بورد كروشيه ماألومهم لو طلعوا من غير عبايات ------------------------ عشت في المجتمع الإماراتي حول سنة ونص أحنا عارفين إن أهالينا محافظين أكثر منهم وبلدنا محافظة أكثر وموادنا الدينية في المدارس والجامعات أكثر بس شوفوا حياتهم وتفكيرهم كل بنت لها خطوط حمراء هي حاطتها ومقتنعة فيها وفخورة بها هناك المحجبة ترفع راسها بحجابها ومحد قدها وعندنا هنا اللي عبايتها ساترة ناقص تدخل في الجدار من الحياء تخاف يقولون عنها متخلفة ياإنها مسوية كابوس هذي الكلمة للبنات تذبح أمها وأبوها بس لا أحد يهمس بكلمة متخلفة هناك تلقين البنت تقرأ كتب عليها القيمة مثل "ذا سيكرت - نساء من الزهرة- أسعد امرأة في العالم- لا تحزن - سلسلة شوربة الدجاج..." هنا تلقين في يدها رواية للهابطين اللي خسارة أكتب اسمهم هنا ------------------------- نقطة إضافية البلوتوثات والهوايل اللي فيها العين تزني وزناها النظر لو أقول لك شوفي فيلم إباحي قلتي لا حرام طيب وهذا ليس إلا اقتباس لأقذر ما في الفيلم !! رسايل الجوال والنكت الجريئة والله لو أقول لوحدة قولي الكلمة السوقية الشوارعية هذي بلسانك قالت مستحيل بس لما تنكتب كرسالة جوال تصير كلمة عادية لا ومضحكة بعد..تسمعين الضحكات الرنانة .. ما أدري هل القذارة صارت تضحك؟؟ والله لو ولدك وإلا أخوك قالها كان صرختي: عيب عليك ترى بأحرقك بالنار عشان تتأدب ---------------------------- قبل أي فعل تقدمين عليه لا تحكمين إيمانك لأن يمكن إيمانك ضعيف في هذي الفترة أو يمكن لا سمح الله أنه ما فيه إيمان في هالفترة إحنا عارفين عقيدتنا تقول الإيمان يزيد بالطاعات وينقص بالمعاصي ولا تحكمين قلبك لأنه ممكن قلبك يكون قاسي في هالمرحلة حكمي عقيدتك،أحكام الدين وعقلك لأن العقل هو نفسه ما يتغير قولي هل لو كنت مريضة لا سمح الله بأسوي هذا الشيء إذا الجواب إيه أقدمي معناها إنه حلال وخير ولا تستحين منه إذا قابلتي ربك وإذا الجواب لا معناها تراك تجاوزتي حد مع ربك.. وبيكسر هالشيء عينك أنك تقابلينه وأنتي مسويته.. أي عمل قولي هل لو سويته بيكسر عيني مع ربي لو بأقول يارب اشفني وإلا يارب عطني -------------------------------------- دعوة عملاقة أبعثها من هالمكان الراقي حملة أتمنى نبدأها ونكون قدها ونوصلها ونسمعها الجميع كفى..استهتارا كفى ..تراجعا كفى ..تنازلا قومنا حملة لا للكوافيرات الغاليات ونجحت وقومنا حملة السعودية للسعوديين فقط ولقت صداها شدوا الهمة وساعدوني أثروا الموضوع بردودكم الهادفة يا صاحبة الدين..أضيفي كلمة تشهد لك يوم القيامة..مو الدين في غرفتك تصلين وتصومين وإذا شفتي الغلط غمضتي عيونك وسكتي عنه..هذا اسمه شيطان أخرس ياصاحبة العقل الرزين..أدلي بدلوك.. نورينا بآرائك الهدافة ياصاحبة الثقافة..ساهمي في تثقيفنا هذا اللي جرأ بنات الغلط على المجاهرة..وهو إن صوت أهل الدين والعقل والرزانة واطي علوا أصواتكم خلونا نسمعها ونسمّـع غيرنا ----------- نبي وحدة تكون شجاعة وسباقة للخير أكتبي هنا أنا غيرت صورتي الشخصية أو توقيعي يله عشان تشجعين غيرك ويحذو حذوك وتأخذين أجره ---------- نبي وحدة شجاعة نبيلة تقول أنا مسحت موسيقى كنت منزلتها في موضوعي أو زفة نزلتها للبنات ------------------------- نبي وحده شخصيتها قوية تقول أنا مسحت صور شهيرات هوليود من موضوعي لأن ملابسهم عارية نقدر ننزل صور بتضليل خفيف يكسر جرأة الأفخاذ والصدور اللي طالعة --------------------------------- خلوا شعارنا الرجوع عن الخطأ خير من التمادي فيه -------------------------- حقوق الطبع غير محفوظة أنشروا في المنتديات والمدونات والإيميلات خلونا نرتقي بمجتمعنا خلي لك بصمة في الحياة ------------------------- يارب هذا أقل ما يمكن أسويه بس أتمنى أنك تعذرني به أنا وكل من خطت حروفها هنا إنكارا للواقع المرير محاولة بسيطة للتصحيح.. تقبلها مننا يارب ------------------------- لا تقولين المجتمع كبير ومتنوع وصعب أصلحه المجتمع هو أنا وأختي وأنتي واختك وهذي العضوة واختها وبنات خالاتنا وبنات عماتنا وفي الختآم أعتقد قريتم الموضوع وللأسف لازال البعض منا يعيش نفس ماهو مكتوب بالموضوع أو بعضة أو وصاير من حولك فحاول أخي / أختي التغير للأفضل حفظكم المولى مما وصلني على الإيميل مع الأضافة ومع خالص ودي وآحترآمــي للجميع رومنسي محتآآر
الدعاء لوالد اختنا سامرينا بالشفاء العاجل
::: ممكن ليـــــش لا ::: الممارسه الجنسيه الصحيحه اللقاء مــع الإعلامـــــــي .. سعيد الجـــــــــابر ..!! وتــســـألــــنـــي لـــــمـــاذا أكــــتبــــ التعديل الأخير تم بواسطة رَجَلُ مَنٌ زمَنُ الصَدِق ; 22/07/2009 الساعة 10:30 AM |
||||||||||
|
|
منذ /22/07/2009, 12:06 PM
|
#2 | |
|
شخصية فاهمة
|
رد: سعودية 23 سنة تكتب قمة المنطق .. لا شلت يمينها .. وجزء من وآقعنا المؤلم ..
اللهم صل على محمد وعلى آله وصحبه أجمعين اخى الفاضل رومانسى محتار
على كل منا ان يبدا بنفسه والى البنت المنقول عنها الموضوع اقول لها ابدأى بنفسك لقد بدات الدنيا بقاتل ومقتول القاتل قابيل والمقتول هو الصالح هابيل رغم ان معنى اسمه جميل جدا فاسم هابيل يعنى نسمه ومع ذلك ليس هناك من يسمى ابنه باسم هابيل ولكن للاسف فنحن نسمى ابنائنا على اسم القاتل المذموم قابيل شىء غريب بالفعل ولو كان الامر كما تنظر اليه الفتاة كاتبة الموضوع ما ارسل الله الرسل وكان قد حجب عنا معرفته ورحماته وغفرانه يا بنيتى ويا اخى الكريم كلنا خطائون وهكذا الحياه نخطى لنستغفر ونعصى لنتوب ونرجع للتواب الرحيم سبحانه دون كراهيه لاوطاننا او لبنى عمومتنا او ربعنا او جيراننا تلك هى الحياه بما فيها من قبيح وجميل الموضوع يطول الحديث والاستطراد فيه لانه من الخطوره الا يترك هكذا وغسيل العقول الذى يحدث فى الغربه لابنائنا يعودون وهم ناقمون على اوطانهم واخوانهم وغير راضون عن انفسهم ويرون كل شىء فى الوطن قبيح وذميم وتلك هى رسالة السم فى العسل التى تزرع فى عقول من اغترب عن وطنه راجعا اليه ظنا منه انه اصبح مختلف الحقيقه يا اخى ان الفسق وافلام العرى وبيوت الخلاعه لم نعرفها الا من الغرب فاول افلام الخلاعه انتجت هناك ثم صدرت الينا ،،، الاطفال غير الشرعيين ليسوا بيننا بل بينهم ،،، الاطفال نتاج العلاقات الشاذه وزنا المحارم ليسوا بيننا بل بينهم وعلى الاخت العائده التى ترى وطنها بهذا السوء انتى واهمه لاننا مازال بيننا قراننا نحفظه ونحفظه لاولادنا فعلى كل من قبل من الغرب او غيره ان يغسل عقله فيرى وطنه قطعه من التخلف فليعود ويعيش بينهم ويدفن فى مقابرهم ويسلك مسالكهم بل وينجب على طريقتهم وانا اتذكر بل واجزم ان هناك بعض انواع التكنولوجيات المتقدمه لايقبل الغرب كثيرا ان تصل الينا وان تكون بين ايادينا رغم انها تكنولوجيات سلميه نافعه هكذا يريدناالغرب واعداء الامه التى عادت من عندهم الاخت المفتونه بهم كمن فتن بنعومة جلد الحيات والثعابين وهو لايدرى انها قاتلته لا مفر ولا مفرمن العوده الى الوطن بنظره ايجابيه هى وضعت لنا مجموعة امراض موجوده فى وطننا سواء فى السعوديه سواء فى مصر او فى عمان او اليمن او اى وطن فانا لاافصل نفسى عن اى وطن عربى ولكن لم تستطع ان تذكرولو حلا واحدا ايجابيا للخروج من عنق الزجاجه الذى تراه هى ياسيدى ان تجريف الارض من اسهل ما يفعله الفلاح الفاشل ولكن الفلاح الحصيف النبيه يرى ما تحتاجه ارضه فيداويها ويسال اخوانه يعنى كما يقال يداوى ارضه ويسمدها بالسماد ويضع لمحصوله المبيدات للتخلص من اعداء نجاح زراعته اما ان يجلس ويسب ويشتم فى الزرع والارض والنسل والحرث لمجرد انه راى غيط من الغيطان زراعته جيده وقد اوهمه صاحب الغيط الاخر انه ليس لديه القدره على ان يفعل فى ارضه كما فعل هو - بل واستطاع ان يغسل راسه بان ارضه لاتصلح الا ان يجرفها ويبيع طينها فهى غير صالحه للزراعة لدرجة انه يصدقه المسكين وياتى ويكتب على الارض يافطه واعلان كبير كما كتبت الاخت اعلانها على ارضنا وقد اقنعها عدوها الخفى ان تلك الارض غير صالحه للزراعه ولم تفكر ولو للحظه كيف تصلح تلك الارض هذا ان كانت الارض بالفعل كماتراها هى غير صالحه للزراعه علينا بالبحث عن الدواء وليس قتل المريض هكذا تعلمنا من الرسول واصحابه فلو سكت ابا بكر الصحابى العظيم كما اشار عليه الصحابى الجليل عمر بالتانى والتريث فقال له سيدى ابا بكر - اجبار فى الجاهليه ضعيف خوار فى الاسلام والله لو منعونى عقال بعير كانوا يادونه للرسول لحاربتهم عليه لقد استطاع ان يحدد الداء وقدم معه الدواء ولكن للاسف الشديد اختنا الكريمه العائده من بلاد الجنه المزعومة غسل عقلها ورايهاهكذا لاترى بيننا سواى داااااااااااااااااء فقط واعود واسالها متى اخر مره تبرعتى لمريض بدمك متى اخر مره تقدمتى الى احدى المستشفيات لتطلبى منهم العمل الخيرى بدون مقابل ولو ليوم وااحد فى الاسبوع متى اخر مره ذهبتى الى معهد للمكفوفين وجلستى تقراى لهم القران وتحفظينه لهم متى اخر مره ومتى ومتى والف متى استطيع ان اقولها لها ولذلك اعود على مابدات على كل منا ان يبدأبذاته ونفسه وعندما نقدم النقض اللاذع لاوطاننا يجب ان نقدم معه الحلول التى تؤكد لنا اننا بالفعل نحب الوطن وليس تلطيخا للوطن هل هناك وطن بلا سلبيات ؟ دلونى عليه لاعيش فيه ولكن عندما نحيا فى وطن فهو ايضا يحيا فينا وبنا وليس لاننا نلطخه بل نعتب ونقدم البديل فان جلد الذات لايفعلها الا واحد من اثنين اما انسان مدفوع لهذا العمل ( عميل) او انسان يريد ان يشوه وطن ليس الا - من حقك تتدلل على صدر ابيك ولكن ليس من حقك ان تبصق على صدر ابيك - فان الوطن الذى عشناه وتربينا فيه يستحق ان نحبه ونحترمه ونقدم له النصح مع البدائل وليس جلد الذات هو احد حلول البدائل الا من العقول المغسوله التى كرهت الوطن بلا سبب ناكره لجميل تراب هذا الوطن هكذا نتعلم وهكذا نعيش والتقدم كما تراه الاخت العائده لا يكون الا عندما نحب اوطاننا - والاوطان يبنيها الابناء وليس فقط حديث الابناء بل سواعد وعقول وايمان الابناء وعلى كل منا اان يبدا بنفسه اذا قدمت نقدا ارجوك قدم معه البديل النافع لانه وطن نعيشه وليس سياره اشتريها او لا اشتريها رغم اختلافى الكبير تحياتى للجميع واحترامى للجميع شكرا على ا لموضوع يارومنسى من فضلك خليك جد شوية واضحك
... لك الحــــــــــــــــــــــــمد ... اشـــــــهر جاســــــــــوسة فى التـــــــــاريخ •• الحجــاج بن يوســف الثقــفى المفــترى علــيه •• ... لاتخــــــــشى ان تقــــــف وحـــــــيدا... التعديل الأخير تم بواسطة sadoboza ; 22/07/2009 الساعة 12:24 PM |
|
|
|
|
منذ /22/07/2009, 02:12 PM
|
#3 | |
|
شخصية نشيطة
|
رد: سعودية 23 سنة تكتب قمة المنطق .. لا شلت يمينها .. وجزء من وآقعنا المؤلم ..
أنما الأمم الأخلاق مابقيت ان ىهموا ذهبت أخلاقهم ذهبوا |
|
|
|
|
منذ /23/07/2009, 12:27 AM
|
#4 | |
|
شخصية قوية
|
رد: سعودية 23 سنة تكتب قمة المنطق .. لا شلت يمينها .. وجزء من وآقعنا المؤلم ..
الله يعطيــك ألــف عافيـــه |
|
|
|
|
منذ /23/07/2009, 02:10 AM
|
#5 | |
|
:: مميـزه ::
|
رد: سعودية 23 سنة تكتب قمة المنطق .. لا شلت يمينها .. وجزء من وآقعنا المؤلم ..
تسلم يمينهااااااا |
|
|
|
| |
جديد منتدى القسم العام , نقاش , اجتماعي , منوع , اخبار , مواضيع هادفة
|
|
|
«
ياصاحب الهم تعال شف هالصورة وانت تنسى كل همومك ( كلما رأيتها أو تذكرتها نسيت همي )
|
حتى مطعم كنتاكي وين البلدية والله مابيكم تشوفون القرف بس بنبهكم &&&
»
| أدوات الموضوع | |
| انواع عرض الموضوع | |
العرض العادي
|
|
الساعة الآن 02:02 PM.
