::أحسب الساعه بغيابك أعد أصغر ثوانيها ..

حبيبي ما قويت أصبر وانا كلي وله منثور
أحسب الساعه بغيابك أعدد أصغر ثوانيها


أحسب الليل يسمعني وشمس ٍ بالنهار اتدور
أفكر كيف مايفهم عيوني ما يداريها


الا يا ليل يابردك توكـّل وأبتعد مشكور
أبـي ليل ٍ يجي بعدك وأبـي صبحك يعديها


أنا قارب بلا مجداف ساكن في زمن مقهور
غريق ٍ في بحر أشواق بعيد ٍ عن موانيها


حبيبي لا تلوم اللي تعلق في سماك شهور
أنا من جيت للدنيا عيونك سارح ٍ فيها


أنا عاشق من الغربه تولعت بهذاك السور
ولو دارت عليك سنين دروبك ما أخليها


رسمتك أو تخيلتك .. أسولف بك بدون شعور
أسولف لك عن أيامي من أولها لتاليها


نويت أرحل نويت أترك بقايا خاطر مكسور
نويت أبعد عن ايام ٍ تعبت أجمع بلاويها


نويت أمسح ظلام الوقت و أختارك بداله نور
نويت أبعد عن أيام ٍ تعبت أجمع بلاويها


أعد نجوم هالدنيا سهيت وعدتها مجبور
أحاول أجمع نجومي ولاني قادر أحصيها


أحبك كثر ماعديت كثر ما في السحاب طيور
أحبك كثر ماخاوت حروف العشق هاويها


حبيبي ما قويت أصبر وأنا كلي وله منثور
أحسب الساعه بغيابك أعد أصغر ثوانيها
مما راق لي

ضع تعليق بحسابك فى الفيس بوك