للتقديم على الوظائف،،،،،،،،،، ادخل هنا

كيف الحال اولا مشكورين على طرح هالوظايف وماتقصرون
ثانيا الشباب السعودي بيني وبينكم مايبي يوسخ يدينه
يعني يبغى مكتب وكرسي ومش عارف ايش ؟؟؟
ثالث شئ الله يهديهم على بالهم الدنيا فوضى بتجيه الوظيفه
الى حده وهو جالس انا اللي ابغى اقووووووووووووووله
الله يرحم والديكم قدموا على الوظايف وتوظفوا باي وظيفه
لحد مايجي اللي في بالكم لكن لاتجلسوا عاله على اهلكم
فيه ناس يقدم وينااااااااااااااااااااااااااااام في البيت
اقولكم برنامج بعض الشباب
وهذا كان برنامجي ايام الثانوي بالصيفيه
1.اصحى العصر او قبل المغرب بشوي
2.يامه يايمه فيه اكل؟؟؟؟؟؟؟؟؟؟؟؟؟
اقوووووووول يايمه ماعندك 50 ريال او 100ريال ترى الحاله زي الزفت.
3.اتغدى مدري افطر مدري وش السالفه المهم هذيك الحزه اكل شئ؟
4.اتصل على الشباب...
الووووووو هلا والله صح النوم كيف الحال ؟
هاه وين اليوم؟
والله الاستراحه كالعاده لا لا لا طفش وش رايك نروح القهوه
ولا اقولك هذاك اليوم طفشنا اقولك نروح التحليه ولا العليا وش رايك؟
خلاص اوكي واخر الليل نروح الاستراحه ..
5.رحنا تمشينا وأخر الليل جلسنا بالاستراحه او القهوه لمن الصباح
6.واقسم بالله فيه ناس ماتعرف الصلاه يأذن الفجر ولا تروح تصلي.
الله يهديهم بس
7.رحنا البوفيه افطرنا وكل واحد على بيته ياحبايبي.
8.نوووووووووووووووووووووووم للعصر او المغرب
9.يعود البرنامج بعد مايصحا
والله يعين
عموما دوروا على وظيفه وانا متاكد انكم لقيتم وظايف بس مو عاجبتكم
ياعالم ياناس اي وظيفه مؤقته لحد ماتجيك الوظيفه اللي في بالك
تصرف على نفسك واقلها تعرف تخالط الناس والحياة الوظيفيه.
وعموما يالمستبده يالحلوه..
على قووووووووولك تبغين وظايف بنوك..
انا موظف بنك ساب اوكي وسوبرفايزر مانجر اوكي
ومستعد اوظفك بس اقسم بالله مطلوب من الموظفين هذول اللي تشوفينهم رازين وجيههم بالبنوك طلبات الله والراجعون لو ماحقق المطلوب خلال 5اشهر طقوه على راسه انذار بالفصل مدته شهر
واذا عدى الشهر وحقق المطلوب شالوا الانذار
واذا ماحقق الله يستر عليك ياعزيزي امسك الباب
اقسم بالله اقسم بالله يوم الاربعاء جاني على البريد 7انذارات للشباب اللي عندي ماخليتهم يوقعون قلت شدوا حيلكم هالشهر ونشوف واللي مابيشد لا يوقع يروح يقدم استقالته احسن له ماينفصل ولا ياخذ حقوقه
ووافقوا انا متاكد ناس بتعدي وناس الله بالخير
تدرين يالمستبده مطلوب من موظفين خدمة العملاء شهريا
وشو؟
مطلوب منهم:
1.ثلاث الاف فتح حساب ويكون لاحظي التعقيد انا قلت يكووون محول راتبه
على البنك....
2.مليون وسبع مائة الف ريال قروض.
3.ثلاث مليون ريال منازل.
4.مائة بطاقة كردت كارد موافق عليها.
هذولا خدمة العملاء....
الصرافين التلر...
1.خمس مائة عملية يوميه.
مابين ايداع وسحب وتسديد وصرف شيكات ووووووو.
وش قلتي تتوظفين؟
على بالكم موظفين البنوك مرتاحين؟
وتبغين اكبر دليل؟
ادخلي اي فرع من اي بنك
وارجعي لنفس الفرع بعد 3شهور شوفي انتي بتلاقين نفس الموظفين؟
اذا لقيتيهم اكيد بتلاقين اثنين او واحد مش موجود واسالي عنهم شوفي
وش يردون اذا ماقالوا طلع من البنك راح شركة ثانيه انا ماعندي سالفه
واسالي اي احد من اقاربك عن هالموضوع اذا لك احد في قطاع البنوك
واسال الله ان يوفقك لما يحب ويرضى
وعموما اذا لك رغبه في قطاع البنوك انا موجود بالاداره بمنطقة الرياض شارع الضباب سوبر فايزر فواز الشتري اسالي اي احد يدلك علي بالاداره مو بالفرع...