بنك الراجحي، مماطلة و سؤء معاملة عملائه

اولاً قولوا امين ، " الله يورينا في الراجحي مثل صار بلمان بروذورز الامريكي "

تحملت مساوء الرجحي سنين عشان قروضهم ومعاملاتهم المزعومه بأنها اسلامية
ويوم طفشت وطلبت اخلاء طرف ، عقدوني واساءو معاملتي الى اسوأ حد :

طلبت تمويل اضافي قالوا النسبة 8% ، رحت للجزيرة قالوا لي 2.99 اللبلاد 2.95
كلمتهم قالوا لي بما انك بسابك وراتبك اكثر من 15 الف يشملك العرض الجديد ، رحت وتسلفت من اربع اشخاص مبلغ 100 الف ، يوم جيت اسدد قالوا لي المبلغ المطلوب 111 ، بينت لهم ان الاتفاق بيننا انه عند السداد تخصم ارباح البنك بنفس النسبة ( 4.85) قالوا فيه حسبة ثاني ( البنك ياخذ نصف ارباحه في اول سنة ) بالله اي اسلامي واي شرعية ، المهم قلنا ماشي دبرت المبلغ وسددت 111 الف و عليها
قدمت طلب تمويل جديد ردوا بأن نسبة الربح 3.99 ! حاولت افهم السبب قالوا لي اللي ينزل بحسابك تقريباً 10600 يعني ما يشملك عرض سابك ، كلمت مدير الفرع و ما نفع اليوم الثاني طلبت اخلاء طرف ( بتاريخ 3 مارس 2010) بعد اسبوع تقريبأ مريت الفرع لمتابعة الطلب قاللي الموظف طلبك الغي لان عليك فيزا ، الغي الطلب بدون اي اشعار ولا موظف قاللي ان الفيزا لابد من الغائها ، تسلف 5600 ريال وسددت الفيزا ، رحت للفرع وقلت لهم خلاص قرض وسددنا فيزا وسددنا فكونا ، كلمت الهاتف المصرفي لالغاء الفيزا قاللي لازم تنتضر 45 يوم ولا امن بنفس المبلغ
رحت وسحبت حتى من مصروفي عيالي وما بقي من فيزا الجزيرة وعصرت نفسي عصر يالله دبرت 5600 من هنا وهناك وقلنا خلاص ، رحت للفرع وطلبت اخلاء طرف من جديد ، اعطاني رقم جديد وقاللي كلم الهاتف المصرفي بتاريخ 10 مارس 2010، كلمتهم على طول قالوا لي بعد 24 ساعة يخصم المبلغ من حسابك و نبدأ في الطلب ( على كلامهم بالاجماع مفروض الطلب الثاني ما يتعدى 72 ساعة ) تابعت الطلب من ذاك اليوم الى اليوم الصباح تاريخ 14 مارس 2010 وكل شوي يطلع من ادارة لادارة اخيراً امس قالوا لي بقي يوافق عليه المشرف ويرسل للفرع عن طريق ارامكس ، رحت للفرع وسحبت رقم وبعد انتضار لما جا رقمي قاللي الموضف هذي مهي عندي رح صف عند خوينا اللي بالزاوية يساعدك ، صفينا سرا ويوم جيته قاللي والله مامعك الا تنتضر ، حاولت يرسل تذكير اوي شي رفض بحجة ان الفرع ماله اي وسيلة للمساعدة ، صرفني وقال دق عليهم بعد ساعة انشاء الله يصير خير ، بعد ساعة دقيت عليهم قاللي الموظف الطلب محجوز لان لك طلب تمويل يجب الغائه ، بعد نقاش حاد معه قاللي هذا نضام البنك لازم تنتضر 24 ساعة ،
حاولت اقدم شكوى للبنك مؤسسة النقد ولا احد يرد

الحل الاخير اني ابيع سيارتي واخلي الراجحي ياخذ راحته ، وان اشا الله ا حول راتبي بعد شهرين او ثلاثة

حسبنا الله ونعم الوكيل
!!!!!!!!!!!!!!!!!!!!!!!!!!!!!!!!!!!!!!!!!

المصدر: منتديات الوليد بن طلال - من قسم: منتدى البنوك السعودية

ضع تعليق بحسابك فى الفيس بوك