قصص - روايات - قصص حب - قصص رومنسيه - قصص واقعيه - روايات طويله قصص وروايات من وحي الخيال روايات طويله حقيقيه وقصص واقعيه عن الحب وقصص مرعبه وقصص من كتابة الاعضاء

قصة حب فيصل وميلاف بدات بكت كات ..قصه واقعيه

Thumbs down قصة حب فيصل وميلاف بدات بكت كات ..قصه واقعيه

بسم الله الرحمن الرحيم

صباحكم /مسائكم
خير وبركه


حبيت انقل لكم قصة حب حقيقية ولكن القدر فرق بينهم قصة نقراءها ونستمع اليها ولكن لم نجد حب حقيقي

الا حب عنتر وعبلة /قيس وليلي /روميو وجوليت
وكتملت اسطورة الحب بحب فيصل وميلاف من خلال قطعة كت كات جمعت بينهم تلك الشكولا


بقولك قصة اختي ولد عمي الي حبوا بعض حب جنون حب ولافي الخيال
.................................................. .......................................

في يوم لم كنا صغار كانت ميلاف بصف الرابع وكان فيصل بصف اول متوسط وكنا طالعين لمزرعة جدي بالقصيم

المهم كنا جالسين وكان مع ميلاف كت كات وبنت عمتى حنان كبر ميلاف بس كانت دبة قالت لميلاف عطيني الكاكاو

رفضت ميلاف تعطيها قامت حنان وضربت ميلاف واخذت الكاكاو وطبعا ميلاف خوفة قعدة تبكي تبي الكاكاو

وجلست تحت الشجرة وهي تبكي سمعها فيصل وجاء عندها ولما سالها ميلاف ليش تبكين قالت فيصل ابي كت كات

ضحك فيصل وقالها ليش ماخذتي كت كات قالت اخذت بس حنان اضربتني واخذته مني رجع فيصل يضحك وقالها خلاص

تعالي واعطيك من الي عندي راحت ميلاف مع فيصل وعطها من كت كاته وبعدها لقوا حنان تلعب معنا وميلاف قعدة تصيح

وتشد ايد فيصل وتقوله شوفها هذي الدبة الي اخذت كت كاتي ضحك فيصل وقال ميلاف مو اكلاتي كت كات سكت وقالت

ال بس ابيك تضربها لانها اضربتني قال فيصل حنان الدبة اذا قلتي شي لميلاف اضربك ومن بعدها ميلاف فيصل قاموا

يلعبون مع بعض جدي كان يشوف فيصل ميلاف دائما مع بعض نزل قرار عائلي ان فيصل ميتزوج غير ميلاف

وميلاف متاخذ غير فيصل وكانوا صغار مو فهمين شي اهم شي لعبتهم بس مع الايام صار فيصل يتقرب من ميلاف

وميلاف صارت تحب تجلس مع فيصل خلاص فيصل الثانوي ودخل طب وكان قسمه امراض وجراحة القلب

اول سنه تحضيري لفيصل نجح وبتفوق وميلاف ادخلت ثاني ثانوي وطلب منها فيصل تدخل علمي

ودخلت مو علشان هي تبي علمي لا علشان فيصل طلب منها بحفلت فيصل العائله كلها مجتمعه فيصل رن لميلاف وطلعت

تقابل فيصل وكانت اول هديه تعطيه ميلاف لفيصل صندوق هدايا علشان فيصل يحط فيها كل الهدايا الي بتهدايها له ميلاف


ومن بعدها صرنا اناديهم العشاق اتخيلوا من كثر حبهم لبعض ميفارقون بعض الا وقت النوم وخاصة انا قصر عمي بجنبنا

وميفصل بين قصرنا وقصر عمي غير كراج السيارات اتخيلوا ان شباك غرفة فيصل يطل على شباك غرفتنا انا وميلاف

لدرجة انه لايصحى من النوم على طول يفتح الشباك يشوف اذا ملاف صحت ولا لا وميلاف كمان تعمل مثله كانوا يصبحون

بوجيه بعض وانا كنت اسمع واشوف واضحك وكنت دائما اقول لميلاف والنهايه ومكانت اجاوب كان جوابه احبه

وكانت مرتاح بنومتي والسبب عشاق العائله كل يوم مكالماتهم تبتدي الساعة و1 باليل وتنتهي الساعة 3 واحيانا 4 الفجر

ومسمع غير الضحك وكلام غزل وتنقل الاشعار بينهم فيصل يقول وميلاف تسمع وتكمل وطول المكالمه احبك اعشقك اهواك

مرة صرخت وقلت لميلاف ارحميني بنام بحس اشوي براحة وكانت اطلع فيني وتكمل مكالمتها وفيصل يضحك ويقولها خليه

تنقلع تنام موقاطة اذانها عندنا والله كانوا مطيرين النوم من عيوني احيانا اهرب عند خلود وترف انام عندهن واترك الغرفة

للبرنسيسة تكمل كلام العشق مع فارس الاحلام ولد العم

قبل خطبت فيصل وميلاف بشهر كنت قاعدة مونايمة واسمع ميلاف تشتكى لفيصل تقوله طفشانة من جو الرياض نفسي

السافر ابي طلع لمكة وقعد فيها اسبوع اتخيل عاد وفجأة تصرخ وتضحك وتقول والله فيصل تتكلام جد

وبعدها قفلت الجوال وتقولي قومي مشبعت نوم ونا اصرخ واقولها حرام عليك انتي تخلين احد ينام وهي تضحك وتقولي

قومي بنسافر وقتها ضحكت من قلب وتحمد ربي على نعمت العقل وهي تنقز وتقولي والله فيصل يقولي جهزي شنطتك وقعدي خالد ونطلع لمكة

وانا اقولها مجنونه تطلعن الساعة3 الفجر واهلي نيمين تقولي عادي خالد معنا وبعدين احمدي ربك اني توسطتلك عند

فيصل وتروحين معنا وانا اضحك واقولها ميلاف روحي نامي فيصل يضحك عليك الحين تلقينه بسابع نومة وانتي جهزين شنطتك

وبعدين افرضي طلع كلام فيصل صحيح وقاعد اجز شنطته وبتوقعين خالد يرضى نسافر مع فيصل

وهي تقولي خالد بيطلع معنا وبعدين فيصل يقول يبي يصحى ندى تروح معنا وترف بترح سكت وقلتلها اوك روحي وصحى

خالد وبنشوف اذا يرضى اول مطلعنا من غرفتنا صادفنا خالد طالع من غرفته وهو يضحك ويقول اتصل علي فيصل يقول

نبي نطلع لمكة بصراحة هالود بدا يطيح من عيني ضحكت وميلاف وقفه بينا وزعلاتة على كلام خالد لم نزل خالد من الدرج

ميلاف نزلت وراه وتقوله خالد اجهز الشنطة وخالد يضحك علي ميلاف ويقول استني مو يمكن يطلع يضحك علي

بس يبيني اجي عنده بالبيت وميلاف تقوله وش يبي فيك من زين وجهك خالد يضحك ويقولها والله ياميلاف

طلعتي مو هينه طيحتي الولد عاد من زين وجهك علشان يحبك كل هالحب وميلاف عصبت وزعلت من خالد لم نزل خالد

شاف الاخ فيصل يحط الشنط بسيارة وخالد طالع فيه ويقوله انت من جد تتكلم وفيصل يوقوله انت وش تشوف قدامك

المهم جهزنا شنطنا وطلعنا وماخذنا راي اهلي امي وابوي نايمين متقولون فيه احد بالبيت ناخذ رايه مطنشين الكل والسبب

عشاقنابس كانت رحلة ممتعة كانوا فيصل وميلاف يطالعون عيون بعض وطول الطريق ابتسامات وانا وخالد ماخذين بالنا من

من الاثنين لانهم كانوا ذايبين بعض وقتها قطع عليهم خالد الجو

فيصل الحين اذا رجعنا وش بتتوقع اسون فينا الشيبان فيصل كان همه وناسة ميلاف ابتسم وقال ميهموني

وخالد يقول هين والله اشوفك اول واحد اهرب بس شوف من الحين اقولك انا اقط السالفة براسك وراس الاخت الي وراك

وقتها سحب برايك بقوة ويقول لخالد انزل وكمل طريقك مشي خالد خاف فيصل من جد تبي اتنزلني والله الحين يجوني قطعين

الطرق ويذبحوني فيصل انا ولد عمك ينذل اتسوي فيني كذا فيصل يضحك وقوله والله لوانك ابوي انزلك

وبعدين مو بعيدها الرياض كل المسافة الي باقي 300 كيلوا يعني انت توصل وحنا ماوصلنا ضحك خالد وقال ايه صح اوصل

للموت اقول كمل طريقك لاتخليني اصرخ واقول خطفني ههههههههههه

الكل هنا ضحك على استهبال خالد وفيصل يقوله والله من زينك اخطفك اذا بخطف اخطف الي وراي مو انت

خالد..........استح على وجهك اخوها معك وتقول كذا والله انك ماتستحي تخطف اختي اخطف اختك ضحك فيصل ويقوله

اخطفها عادي اهم شي اختك عندي مقطع علينا سالفتهم الي طولت وموقفينا بالطريق الساعة 2 الفجر غير صوت الكلاب

وانتم بكرامة كلنا خفنا فيصل حرك ومايشوف قدامه غير طريق الرياض وخالد بلع العافيه ونقطنا بسكاته وعم الهدواء

بسيارة الكل نام الا فيصل كان يسوق وميلاف كانت تسولف مع فيصل علشان مينام وصلنا لرياض وبداء الكل اهوشنا

وماخلوا كلامه ماقالوها لنا والعشاق سكتين بس كلنا حطينا السفره براس العشاق وعد السفرة بيومين فيصل كلام عمي بموضوع خطبته

من ميلاف رفض عمي لانه كان يدرس زعل وطلع للقصيم عند جدي يشكيله همه وجدي مصدق يسمع خبر على طول سحب عصاته

وجاء للرياض مع فيصل وسواء اجتماع وقرار انا فيصل يكت اكتابه على ميلاف الاسبوع الجاي الكل وافق لانهم مايقدرون

يرفضون كلام جدي طلب فيصل من جدي انه احدد العرس بشعر 10 بعد رمضان رفض ابوي لانها اخر سنه بالجامعة لميلاف

وقاله ابوي ماتبي نزفكم بعد شهر قال فيصل لا بعد شهر رمضان واقضيها بالفطور شهر 10 يناسبني ابوي هاوش فيصل وقاله مافية زواج

الابعد متخلص ميلاف الجامعة وقته قام جدي ويقوله خلاص حدد الزواج وزف ومصاريف العرس كلها علي

بوقت اجهاز ميلاف وحنا بسوق كان معنا فيصل واخته ندى وليلي المهم شاف فيصل قميص نوم احمر وقصير وشد ايد

ميلاف واشرلها عليها وميلاف طنشت وكملت طريقها قالها فيصل اتحدايني مخليك تلبسينه اول ليله قالتلك فيصل اسكت

لاتخليني اندم اني جيت معك بعدها جاء يوم الزواج وكانت احلى ليلة ميلاف بفستانه الابض الي مخصر جسمها وكان

على الخصر حزام عليه عباد الشمس والمسكة الي كانت فيها اسم فيصل وصورته ومن تحت عباد الشمس وكانت المسكة على طول الفستان

وفيصل بالبشت الاسود الي كان هدية من جدي طلعوا شهر عسل للمغرب وماليزيا ودبي واسطنبول وختموها بجرش

وكانت احلى ثلاث اشهور مرت عليهم جهز شنطته فيصل وضم ميلاف الي كانت تبكي وماتبي اتفارق حضنه بس كان بيطلع

لدراسه في اسبانيا قعد فيصل اهدي بميلاف وقولها اهدي كلها كم شهر وتخلصين وتجين عندي وبعدها ماتفرقيني

طلع فيصل ركب سيارته الهمر ومسك طريق المطار جات ميلاف عندنا وقعدنا نسولف ونضحك وخالد يستهبل وعلق على

فيصل فجاة رن جوال خالد الي سكت بعد المكالمه واول شي نطقت فيه ميلاف فيصل هز راسه بمعني ايه فيصل عطاكم عمره

صرخت وطاحت على الارض نقلناها للمستشفى وطلعت حامل بشهر ونص بس الطفل مات لانه الخرعة سببت لها نزيف

ودخلت بغيبوبة دامت 3 شهور ومن صحت بداء الهدواء يسكنه وبدات تتمنى الموت وقبر بجنب قبر الغالي يضمها

بعد سنه ارجعت اتكمل بالجامعة وبعدها جت طلبت الاب توب ودخلت المنتدى منتدى هوى روحى كنت اشوفها وهي تحط الموضيع

وتحط من اشعارها الي كانت اتسميهن خربشات مو قصايد

بعد شهر من دخولها المنتدى عرفنا بالمرض سرطان الدم ومن وقتها وهي مستسلمه للموت

عملنا فحوصات انسجة علشان نشوف من الي بتبرع لميلاف ومن بينا كلنا طلع خااااااااالد الي ميلاف ارفضته

لانها تقول حنا ثمن بنات اذاخسرتوا واحدة بيكون عندكم سبعة بس خالد لا مانبي نخسره خاصة نجاح العملية 80%

المهم غصبنها وسافرت للمغرب علشان العلاج وبعد محددوا العمليه قبل يومين كنت انا وخالد عندها وكنت تقول تكفى

خالد اذا مت ابي قبر بجنب قبر فيصل وكانت تبكي وانا وخالد انهدي فيها لحد منامت ثاني يوم صحت ولقتني اصلي العصر

طلبت مني اساعده تطلع لدورة المياه علشان تتوضأ وتصلي ساعدتها وصلت وقعدة تقراء قران نمت وصحيت ولقيتها للحين تقراء

لم شفتني طالعة لدورة المياه نادتني ايلاف سامحيني اذا ضايقتك او زعلتك ابتسمت وقلتلها عادي انتي اختي ومزعل منك


سكتت وقالت اذا رجعتي لرياض قولي لاخواتي يسامحني ويحللني مابي اموت واحدة ماخذة على خاطرة مني اذا جاء خالد

قوليله ميلاف اتوصيك قبرة بجنب قبره بكيت وقلتلها تكفين انسى سالفة الموت انشاءالله بتنجح العمليه وبترجعين

طلعت للحمام ابكي واتوضاء ولم طلعت لاقيتها نايمة وفجاة وقف جهاز القلب وبدات الممرضات يركضن وانا واقفه من اصدمه


مادري وشو اسوي لايارب لا توها صغيرة شالت الممرضة عنها الجهزة وانا واقفه اتفرج اختي وشلون وكيف الحين تتكلم معي

خالد دخل وشافهم يغطون وجهها واخذوها امي وابوي ادخلوا امي قعدة تبكي وابوي نزل الشماغة واول مرة اشوف الدموع ابوي

الصراخ وبكا انا وامي وخالد واقف مكانه متحرك من اخذوها مشوف غير الدمعه على خده خلاص ابوي اجرات السفر

وسافرنا رجعنا لرياض بس بجثة ميلاف بدون روحها بدون بسمتها وعمل خالد اجرات الدفان ونحفر لها قبر بجنب قبر الي

حبته

الضلام غطا القصر وانطفت الانوار ومابقي غير اذكرا

فيصل وميلاف الي الحين اتفرج على صور زواجهم وابكي على الايام الحلوة ومافية غير صناديق الهدايا الي اشوفها بكبت

ميلاف


هذي قصتهم وربي الكعبة حقيقة قصة حب فيصل النجيدي وميلاف النجيدي

احبكم لانكم احلى شي بحياتي,,,

افتراضي رد: قصة حب فيصل وميلاف بدات بكت كات ..قصه واقعيه


.’.

لي عودة للأستمتآع بما طرحت ..

تسسلم يمينك يآرب .. مآننحرم من جديدك

ودي

.’.

افتراضي رد: قصة حب فيصل وميلاف بدات بكت كات ..قصه واقعيه

سلمت ي كل الذوق

ودي وعطري*




افتراضي رد: قصة حب فيصل وميلاف بدات بكت كات ..قصه واقعيه

كأنها قصة مسلسل مو قصة حقيقية ..
مؤثرة جدا .. سلمت يداك...
اللهم أرحم جميع موتى المسلمين..

افتراضي رد: قصة حب فيصل وميلاف بدات بكت كات ..قصه واقعيه

نورتم لاعدمناكم يارب



أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
شقق تمليك فيصل الهرم للبيع 2014 فرص100م65 الف 130م 87 الف usamaelbadry عقارات الدول العربيه , عقارات مصر , عقارات خليجيه , ( عرض وطلب ) 1 13/04/2014 08:27 PM
شقه للبيع فى المطبعه فيصل عالرئيسى 100م ب100 الف150م ناصيه شارع40مترب160 الف بالتقسيط usamaelbadry عقارات الدول العربيه , عقارات مصر , عقارات خليجيه , ( عرض وطلب ) 5 13/04/2014 08:26 PM
شقق للبيع فى فيصل بالتقسيط 140م فيو بحرى بدون مجرح130 الف01140049889 usamaelbadry عقارات الدول العربيه , عقارات مصر , عقارات خليجيه , ( عرض وطلب ) 4 23/12/2013 02:41 PM
شقه للبيع فى فيصل 140م ب92 الف باول فيصل ببرج فخم01140049889 usamaelbadry عقارات الدول العربيه , عقارات مصر , عقارات خليجيه , ( عرض وطلب ) 0 10/12/2013 10:20 PM
شقق للبيع فى فيصل ب67 الف وبالتقسيط01140049889 usamaelbadry عقارات الدول العربيه , عقارات مصر , عقارات خليجيه , ( عرض وطلب ) 1 07/09/2013 02:41 PM

الساعة الآن 01:33 AM.