شف يا طويل العمر والسلامة انا دخلت الموقع علشان أشوف الصور وشكلي نسيت غداء عيالي وانحرق الغداء المهم مبروك زواج بنتنا ريم والله يوفقها ومنه المال ومنها العيال ويارب تستر عليها من العين وعلى فكرة انا والله اني ادعي لها وادعي لك بظهر الغيب صحيح اني ودي ان زواجي على ابويزيد زي كذا لكن هذا أمر الله ودبرته ومن حصل شيء يستاهله وانت تستاهل ولوانك ما تستاهل كان ربي ما عطاك هالمال, وتراي يا ابوخالد يوم عرس بنتنا الاميرة ريم وانا أقراء الورد عليها خايفة عليها من العين والعيون حارة عندكم بالسعودية الله يستر عليها وعلينا, يا ابوخالد انا الان مع زوجي وعيالي ببريطانيا زوجي يدرس الدكتوراه وعيالي السبعه يدرسون بعد في مدارس انجليزية والله يردنا للوطن سالمين غانميين , وابيك بكلمة راس يا ابوخالد ابي لا رجعنا للرياض انشالله تسدد أول سنة من اجار بيتنا هديتي بعرس بنتنا الاميرة ريم ... ولا تراي أبزعل.
هذاء الكلام اللي قاعده اقوله لكم والله العظيم انه حلم قمت من النوم وانا محلمه اني قابلت طويل العمر الوليد ابن طلال( طبعا هذا من سابع المستحيلات بس خلونا نحلم وهين ) وقلت له كذا .... وفقعت من النوم والدنيا ثلوج وبرد , وعدل على المطبخ اسوي الغداء ومنه على الانترنت اكمل البحث عن صور زواج بنتنا ريم ولا لقيت شيء , حتى انحرق غداء ابويزيد وعياله وفاحت ريحة الغداء عند جيراننا البريطانيين, عاد وش يفكنا من ابويزيد لا جاء من الجامعه الحين... مرة ثانية لا تنسى يا طويل العمر تراك وعدتني بالحلم انك تدفع اجار البيت .... ومبروك والف مبروك مرة ثانية
اختكم ام يزيد
[عزيزي الزائر يتوجب عليك التسجيل للمشاهدة الرابطللتسجيل اضغط هنا]
آخر 30 مشاركات
11/03/2007, 11:32 PM
رد: حفل زواج الاميرة ريم
رد: حفل زواج الاميرة ريم
العرض العادي
