خواطر و منقولات أدبية خواطر رومانسيه ، خواطر حزينه ، خواطر ادبيه ، خواطر حب , خواطر حزينة , خواطر رومانسية , الخواطر , خواطر قصيرة , خواطر شعريه , عتاب , خاطره , خاطره حزينه خواطر - خواطر حب - خواطر حزينه - قصائد - قصائد منقوله - خواطر و خواطر حب , وخواطر غرام وعشق ,

فراق الأبناء عن الآباء بقصائد

Wink فراق الأبناء عن الآباء بقصائد

القصيده الأولى

يا يمّـه .. منتهي جيتك وطالب منك الغفران

أقبـّـل قاعة أقدامك وغسلها بدمعاتي

يا يمّـه .. كل ما فيني يناديلك أنا ندمان

طلبتك؟.. قولي سامحتك وردي لوجهي بسماتي

أنا أدري قلبك الطيب كسرته بصدمة النكران

غلطت .. وغلطتي هذي تعير كل غلطاتي

تشوفي الشيب يا يمّـه ترى ماجا وأنا فرحان

وربي إلي رفع ذاتك ونزّل للردى ذاتي

فقدت الراحة من بعدك .. فقدت الطيبه والحنان

بدونك .. راحتي غاية بدينك هذي راحاتي

أنا بعدك ولا حاجة أنا بعدك ترى عميان

أشوف .. ولا أشوف إلي يوريني مساواتي

أنا وسيد الشّـقى والهم من بعدك غدينا أخوان

يجيب هموم هالعالم .. ويرميها بمتاهاتي

صدقتي .. يوم قلتيلي تدين اليوم بس تندان

رميتك في بداياتي .. ورموني في نهاياتي

أنا من شالك بيده ورماك بأسفل البركان

نخيتيني .. وطلبتيني .. ولا حصلتي نخواتي

مثل ماهنتي بعيوني .. عليهم قلبي يمّـه هان

رموني وضعتهم فزعه .. وأنا الدمعات فزعاتي

يا يمّـه لا تظنيني أنا من فعلهم زعلان؟

سواتٍ فيك سويته وسوّو فيني سواتي

يا يمّـه .. يالله ظميني ودفيني بهالأحضان

أنا أدري فيك مشتاقه .. وهمك بس ملاقاتي

يا يمّـه (حيييييييل) ضميني أبي أرتاح أنا تعبان

تعبت أهرب من ذنوبي ابيك آخر مسافاتي

أبسمع منك أي كلمه .. لصوتك مسمعي ولهان

أبسمع (يمّــه) بصوتك أبذكر فيها نشواتي

أشوفك ساكته يمّـه ؟!!.. غفيتي ولا أنا غلطان؟

غفيتي يا بعد عمري؟.. تعبتي من مواساتي؟

يا يمّـه طالبك قومي .. إذا لي في عيونك شان

أشوف الموت بعيونك .. عساها تخيب هقواتي

تعالوا يا بشر شوفوا أنا محتار أنا تلفان

أنا أمّي مدري وش فيها أنا مدري أنا أحاتي

شنو ؟؟ أمّي أنا ماتت !!! لا لا.. لا ترى غلطان!!!

أنا أمّي ما تخليني على حزني ووناتي

أنا أمّي قلبها طيب ولا يمكن تبكي إنسان

أنا أمّي ما تبكيني .. ولا تتمنى آهاتي

يا يمّـه صح ما متي؟ .. وصح الموت تو ماحان؟

إذا متى أنا بعدك أبقضي وين ساعاتي..؟

يا يمّـه قومي يا يمّـه .. وقولي الموت لا ما كان

أنا جيتم وأنا ناوي أببدي فيك جناتي

تركتيني ومتي ليـه؟؟ تركتيني وأنا غرقان؟

ولا مسموح يا وليدي!! .. ولا تلعنك لعناتي!!

أنا الجاني .. وأنا المجني .. وأنا المخطي .. وأنا الندمان

وأنا بإيدي رميتك إيه .. وبعثرت أهم ملفاتي

وجيت من الهنا مفلس .. وقلبي من الضنا خسران

تركتيني على ناري أعدد فيك زلاتي

ولاني مرضيٍ ربي .. ولاني تابع الشيطان

أنا بعدك ترى مابين نهاياتي وبداياتي

يا يمّـه منتهي جيتك وكلي مرتجي غفران

وشفت الناس تلعني .. وتحذرني من الآتي
------------------------------------------

القصيده الثااانيه

يواسيني وانا الميت وحالي يجبر الدمعات

تسيل من الذي فيني ويبكي وهو يواسيني

وانا ابكي واتنهد وارسم بالحزن لوحات

يجبروني عشان امشي ورجلي ما تمشيني

قتلت رعايتي بيدي قتلت الحب والرحمات

حرمت النفس من حقها وانا ابكيها وتبكيني

وكنه حلم قدامي يقيدني من الصرخات

ابي اصحى ولكني عجزت القى ال يصحيني

فداك القلب يايمه ومهما قلت من كلمات

صغيره في كبر حقك بس اتمنى تعذريني

نهبت الفرح من بيتي صحيح اني خسيس الذات

صحيح اني ولد طايش وكل ما أسمعه فيني

تجول عيونهم فيني تفصل مني قياسات

وتشيح وجوههم عني وكني غيرت ديني

يظنوا حزنهم اكبر وهم اصحاب هالمأساة

وانا اتحدى اذا فيهم ربع ما يحترق فيني

نقص قدري بعد موتك وغابت نشوة اللذات

وصار الهم عكازي اباكيه ويباكيني

عطيتيني بدون حساب ولا سمعتك تقولي هات

وانا اشرب حيل من دمك ودمك ما يكفيني

يايمه ارجعي كافي ابجلس معك لو لحظات

واقبل ايدك ورجلك وافرش لك رمش عيني

يايمه ما تحملهم يقولوا فات ما قد مات

تعالي غيري هالقول واطيعك باقي سنيني

واترك عادة التدخين وانفذ ما تبي بسكات

واصلي الفجر في المسجد قبل منتي تصحيني

يايمه ارجعي تكفين وطفي شمعة الآهات

ابيك انتي ولا غيرك على موتك تعزيني

وضميني وداويني مثل ما كانت الهقوات

ما ابي احدن يواسيني ابيك انتي تواسيني

دخيلك بس لا تبكي اذا شفتي بي الدمعات

انا مقوى ابكيك اذا انتي تبكيني

----------------------------------

القصيده الثالثه


تـمنيتك مـعي بـاقي تـبدل خوفي اطمئنان

يـا أغـلى من رحل روحي تعايد بك بوجداني

تـطوف الذكرى في قلبي تصحي خافقٍ شفقان

وتـصرخ فـيني اقداري ماعاد يرجع لكم ثاني

واضـيع وتـنولد دمعة على خد الرجا حرمان

واصـيح ويحترق صوتي (يبه) وتعيد احزاني

يـخذلني نـهار الـعيد لا قـبل يجرح النسيان

وذكرتك والحزن ينثر دموعه في ارض حرماني

دعـيتك طـالت الغيبة وفاضت فيني الأشجان

ودعـيت الله يـساعدني على تخفيف اشجاني

ورجـعت اعزف لاعيادي نشيد الارض للانسان

لأن الارض تـبقى وعـمرنا وحده هو الفاني

تـمنيتك مـعي بـالعيد يا قلبٍ يعرف الغفران

لـو ان الـمستحيل اصعب تخطيته على شاني

يـا ويل اللي رهن عمره لحلمٍ طاف والوجدان

وانـا حـلمي رغم صغره من التعذيب اعياني

فـي يوم العيد زارتني مشاعر ترفض الكتمان

تـقـيد بـداخـلي نــار الـحفها بـكتماني

تـعيش بـداخلي صـورة تردد معظم الأحيان

وويـن اهـرب مـن الامي وانا الالآم عنواني


[fot1]ومنقووووووووووووول

أختكم / اللؤلؤه الناااادره[/fot1]

افتراضي رد: فراق الأبناء عن الآباء بقصائد

اللؤلؤة النادرة
يسلموووووووووووو
على النقل المميز
تقبلي مرور أختك
هيفاءءءء

افتراضي رد: فراق الأبناء عن الآباء بقصائد

نادره ابعث اليها من تحياتي
مبدعه 00000 وحروفها عنوان

افتراضي رد: فراق الأبناء عن الآباء بقصائد

مشكوووووره أختي هيفاءءء
مرورك نور موضوعي ...... دمتي بوود
أختك ..... اللؤلؤه النااادره

افتراضي رد: فراق الأبناء عن الآباء بقصائد

مشكووووووور أخوي الطوواااف
مرورك شرفني وكلامك أسعدني ..... دمت بوود
أختك ..... اللؤلؤه النادره



الكلمات الدلالية (Tags)
الآباء, الأبناء, بقصائد, فراق

أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
موسوعة أمين الذبحاني في "تربية الأولاد" أمين الذبحاني منتدى طفلي - العنايه بالطفل - أزيـاء أطفال - نصائح لتربية الاطفال 108 18/12/2013 08:01 AM

الساعة الآن 08:04 AM.