لاتفوتكم 00 قصة وقصيدة : ابن الذيب بمرقص بدبي (سجن بسببها)

قصة ابن الذيب في مرقص دبي
شاعر معروف للجميع يقال له " محمد ابن الذيــــب " ,, استضافوه في برنامج اذاعي بالامارات وكان الشخص المرافق له شاعر اماراتي اسمه جراح !! وبعد ما انتهت الاستضافه ,,
قام الشاعر الاماراتي جراح بدعوة ولد الذيب شاعرنا للعشاء ,, ولبى ابن الذيب الدعوه ,,
ولكن تفاجأ عندما وصل للمكان الا هو عباره عن مرقص !!!!
ولان هذا يتعارض مع دين واخلاقيات ولد الذيب اعتذر وخرج من المرقص فورا وتوجه لغرفته بالفندق وبعدها بفتره قصيره الا بموظف الفندق يأتيه برساله من الشاعر الاماراتي جراح متضمنه الابيات التاليه :






مرقص دبي اللي له القلب يرتاح
حتى سلا طيـن الجزيـره تدلـه

لا صار ما في شربة البن مصلاح
غرشه من الويسكي بفنجال دلـه

وان كان يابن الذيب منته بمزاح
فانا عقدت الحبل وانـت تحلـه

هذي بدايـة معرفتكـم بجـراح
اما شربـت الكـاس والا فخلـه







رد عليه الذيب ولد الذيب بابيات قويه أنسجن بسببها يقولون شهرين..

يقول فيها ::


ماهوب صح الله لسانك يا جـراح
يكفـي مـن العلـه ثلاثيـن علـه

انت وحكامك هـل الكـاس لا لاح
ولا سلاطيـن الجزيـره!! لابـلـه

حكام نجد اللي ورا هضبـة رمـاح
ضلالهـم مثـل الجبـال المضلـه

صغيرهم يلعب بكم لعـب المسبـاح
ويسد فـاه اهـل القلـوب المغلـه

ان مد كف الطيب ماهوب شحـاح
والـى تعـزوا دولـة مستقـلـه

مانيب ازكيهم من جـا ومـن راح
يمكن يجي في صفـة القـوم خلـه

وان كان هرجك لي ولا انته بمزاح
يما حلا بعض الحكـي فـي محلـه

ما نشرب الا البن الاشقر الا فـاح
ولا حليب بكـار فـي وسـط ملـه

رجل وطموحي من ورا النجم لا لاح
اكبر من اني اشتهـر فـي مجلـه

يكفينـي مـن المعرفـه والتمـداح
اني الا ضاقت علـي قلـت : يالله!

الوضع مزعجني ولا نيب مرتـاح
بـروح واخليلـك دبــي كـلـه



مـحـمـد بـــن الــذيــب

تحياتي :
ملكـــــــــــــــــة القلوب00

ضع تعليق بحسابك فى الفيس بوك

دار يا اللي بحكم الله معمـوره ... ثم باللي سعولك تحت واليهم
دارنا من قديم الوقت منصوره ... وربعنا ما نسوا يومٍ مباديهم

يكفينـي مـن المعرفـه والتمـداح
اني الا ضاقت علـي قلـت : يالله


يعطيك العافية على هالمشاركه . والخير في اهل الجزيرة واهل الامارات اكيد

تقبلي تحياتي

قصيده رائعه
لكن هذا تصرف شخصي من شاعر ولايمثل حكومه ولا شعب

مشكوره