الزواج دهر مو بشهر ابي اعرف رايكم

السلام عليكم ورحمة الله وبركاته
بدخل في الموضوع مباشرة انا تملكت قبل شهر بس ومن اول مكالمه مع خطيبي انصدمت فيه بدا يمدح لي بنت عمه الي حظرت الملكه وهي زوجة اخوه بشكل مبالغ وكيف انه نزل اخواته السوق واشترولها هدايا وهو معهم وقالهم قولها ان هذي من فلان يعني منه انجرحت وقتها وتكتمت ماكاني سمعت شيء ثم قالي اني ماكنت ابي اتزوج مع ان الاهل من زمان يلحون علي اتزوج الا اني رافض
الين دخلت يوم ولقيت امي تبكي وابوي بغرفتي بعدها قررت اتزوج مع العلم ان اخوه الي اصغر منه متزوج قبله من سنتين ويوم قلت له الزواج مسؤليه رد عليه وقال مسؤليه على الهبل لا مسؤليه ولا شيء بعدين يقولي ان عليه ديون مع انه موظف وظيفه مرموقه يعني راتبه مايقل عن 10000 ورجع يمدح لي بنت عمه ويسئلني اسئله سخيفه من وين اشتريتي الفستان ووين سويتي المكياج انا واختي تراهنا اختي تقول انك سويتيه في المشغل الفلاني وانا اقولها لا في المشغل الي كذا
ويسئلني من الي نظم حفلة الملكه انا ولا اهلي وبعدها يذكرلي فلوس المقدم الي اعطانا اياها كانه الا يقول ان الفستان والتسريحه والحفله كلها بفلوسه صدمني هذا وهي اول مكالمه بينا مع العلم اني ملكة جمال وعلم وادب كل حريم اقاربنا ومعارفنا كانو يتمنوني لعيالهم بس جاء ذا الي من اخر الدنيا ووفقت عليه طلع مايستاهل حتى مافيه مسحت جمال لان الناس مدحوا اخلاقه ودينه ظاهريا وغشونا فيه مكان يهمني
مع وظيفته الا اخلاقه ودينه وطريقة تفكيره طلع ولاشيء حتى وظيفته ماتسوى عليه طلع مديون وهو الي قالي وصدمني لاني خلاص تملكت.
تصورو يمنن علي انه خطبني ويمن علي هداياه وفي كل مكالمه مايسكت عن ذكر امه وخواته وكيف انهم يحبونه وانه يوديهم السوق في كل مكالمه يعيد ويكرر ما ادري ليه.. ومره من المرات قالي انا راعي فله وسهر وما يرجع البيت الا صلاة الفجر,, وقالي انه قال لاهله اذا راحت زوجتي علي بتغير شككني فيه خصوصا انه يضحك ضحك موطبيعي بدون سبب وهو يكلمني وكلامه
غير موزون مره قالي ليه اهلك وافقو على الواسطه الي هي انا قبل الكبيره قصده احمدي ربك اني خطبتك وانا وظيفتي مرموقه ما انرفض ولا ترفعين خشمك علي,,,
كذاب ومفتري وشكله مو وجهه زواج ويبي يحطني تحت الامر الواقع والله ماني عارفه شسوي انصدمت فيه صدمة عمري مع الرجال رجال فنان ومعي سفيه كل شوي يذكرلي اهله ولايثمن كلامه معي .
مره قالي" ان ابوك كل شوي ماسكني بيدي ويقولي الله الله بنتي قلتله تراك ذليتني بنتك "قالها في وجهي صريحه وتونا بثاني اسبوع من الملكه ماعنده رد احسن من ذا الرد ويوم سئلت ابوي واخواني طلع كذاب ومفتري ابوي واثق فيه ولا وصاه بس مو بصاحي حتى لو وصاه ماله داعي يقلبها ذل.
حتى امه وخواته يكرهوني مع اني ما اعرفهم هم من عائله بعيده وماسويت لهم شيء امه هدتلي يوم الملكه هديه ماتسوى ولا تنهدا لو جت من دون هديه كان اجمل لها ولاهمتني كان اكثر شيء يهمني ولدها قلت بكلمه واشوف انشاء الله انه رجال مثل ما امدحوه الناس واحسن من امه وخواته اكتشفت انه سفيه ومغرور ومخادع ولا يخاف ربي ولا يجي بالكلام الطيب والرومنسيه مع انه ماخذ شهاده عاليه حتى اذا اتصلت عليه يتضايق يبي هو الي يدق متى حب.
حسيت اني انغشيت فيه لاخلق ولا اخلاق ولا دين اكتشفنا بعد الملكه انه مو مواظب على الصلاه احيانا يرسلي رسائل والناس يصلون بالمسجد ولاعمره ابتداء بالسلام عليكم في مكالمه من مكالمته مايذكر ربي ابدا وهو الي يقول يكفل ايتام قلتله سدد ديونك اول بعدين اكفل وبلا كذب.
يمن علي حتى الجوال الي هداني اياه ويقولي اختي عندها جوالين واحد كاميرا والثاني بدون كاميرا ولا همه رايي في هديته اذا عجبتني ولا لا ولا فيه رومنسيه ويزعل اذا قلتله كلام حلو ويقلب علي ويقوم يمدح اهله ما ادري ليه يحسسني اني غريبه عنه.
الين عافته نفسي وقلتله انا ماعندي استعداد اخذ واحد مسير مو مخير اهله مجبرينه يتزوج فلوسك وهداياك موجوده تعال خذها وننهي الي مابينا اذا ذي بدايتك ينعاف تاليك رد علي وقالي انسي اطلقك انسي مستحيل انا احبك وما ادري ايش وهو كذاب ومنافق عشان تملكني ماعدت اهمه مطمن حظرته.
بعد كل الي كتبته لكم عن صفاته ولا وفيته اتمنى تساعدوني برايكم وتعتبروني اخت لكم لم استطع ان احلل شخصيته هل استمر معه وارضخ للامر الواقع ام انفصل عنه واذا بتقولون الانفصال ابرك كيف اقنعه يطلقني وهو رافض ويحلفلي ان كل الي قاله زلات اللسان ولا يقصدها عذره انه دخل الحياه الجديده بسرعه ولا كان يعرفني زين
وانا متاكده انه فاجر وكذاب ولا يصلي واخطأه اكبر من اعذاره ولايحب الا نفسه واناني لدرجة انه يطلبني من اول مكالمه اوراق وشهادات التخريج عشان يتوسطلي اتوظف من غير ما اطلبه كانه مايبي يصرف علي بعدين ولا ما ادري ايش سالفته واحنا ماكملنا يوم متملكين وهذا اسلوبه
ماعاد ابيه وابي رايكم ومشورتكم كيف اقنعه يطلق لانه رافض مع كل الي صار منه

ضع تعليق بحسابك فى الفيس بوك