شعر - قصائد - نبض القوافي - قصائد حزينه - قصائد مدح قصائد حزينه قصائد مدح قصائد حب قصائد رومنسيه قصائد خيانه شعر خيانه شعر حزين شاعر المليون شاعر العرب قصائد مقرؤه ومسموعه , شعر نبطي , شعر شعبي , شعر قديم , شعر رومانسي , شعر جاهلي , قصائد للأعضاء , دواوين شعريه , شعراء الساحه العربيه , قصائد صوتية للأعضاء , أبيات شعرية تترجم مشاعرك وأحاسيسك هنا

ابو ذيات

Thumbs down ابو ذيات

ابو ذيات عراقية


نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه

قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية

باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية

هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اسوه بيه

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه

يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه


بس مني التريده يصير (بالفور)
طفيلي وادري بيك تموت (بالفور)
يهودي ومن تواعد وعد (بالفور)
توصل للصدك تxxx عليه

علامك ماترمش علي تنشد كثيره ابتوت لك بالروح تنشد بيه جروح تالي الليل تنشد قوافي اهواك حيل اثرت بيه

أسهام المحب صابني(ولاحن)
xxxك من صخر صاير (ولاحن)
صرت مطرب وغنيلك (ولحن)
شماأغني ولك ضايج عليه

أناجناح الحزن رفرف مناسماي
يموت الموت لويشرب منسماي
أضن تختاض لوتعرف منسماي
وخاف عليك لاتنصدم بيه

بعسر غير النوايب فاتحتمن وسهم غدرك بxxxي فاتحتمن كتلتني وجاي تنشد فاتحتمن ولاجنك رحت جناز بيه

تمرضت وصعد مرضي (على اشفاي)
وطب لندن فلايلحك على شفاي حبيبي من تحط شفتك على شفاي
اشفه وكل مرض ما يبقه بيه

بمتوني اجفاك صدك(خلعاها)
وروحي من رداها (خلعاها)
تره أفراكك بوجهي (خلعاها)
ألاعمى المايوجد صفن بيه

مفارك والليالي اسنين(مرن)
وبعدك صاير لذيذ الزاد (مرن)
طفر xxxي على النقال (مرن)
حسبت روحي وحياتي اتصل بيه

وحك الي مله الكونين الاء
مثل عين الغزال أعيون ألاء
أمد أيدي عليها تكول أه لا
كلشي ولاتمد أيدك عليه

جذب لومو كلامه (زاده بلله)
وغلط كلمن يقيمه (زاده بالله)
فاقه هواي طلع جناي يتعنه الخرابي ويفتخر عناي ابوالوجهين يمكر زين بالأحقاد عنده امجاد ركض علطين عمدا (زاده بالله)
وركس لذنه اليريد الركس حبك سره بنص أحشاي (دورة)
عزيز وألك بالشريان (دورة)
أذا شكيت هاك الxxx (دورة)
أذا غيرك لكيت أعتب عليه

حبيبي لاتشد راسك (سلامات)
وصلني خبرعن صحتك سلامات
الف مكتوب اوديلك سلامات
مشافى والمرض يندار اليه

عد عينك لشل الجرح (وكفه)
وإلي وياك بالطيبات (وكفه)
تظن عنك أديرالوجه (وكفه)
أخوك وخاطرك غالي عليه

على كيفك حبيبي وياك برضاك
وعشرتي وياك موش بجب ربرضاك
زرعت ارضك ورد خضر شوج برضاك
عبن ساسك رمل ورضك موليه

ابهجرك راح عكلي (مالفاني)
وجثير اشعارلجلك (مالفاني)
رحت اركض بهيمة (مالفاني)
ادور اعليك يل رحت من إيدية

افرح لوشفت وجهك وسربيه
وحبك ثابت بxxxي وسربيه
شماطال الدرب امشي وسربيه
واجيب الروح لعيونك هديه

أحبن كل حلو بيكم ومركم
وعلى راسي مطالبكم ومركم
راح ازحف على اركبي ومركم
وضل وفاي لأخر نفس بيه

تتوب اشكثر رادو ماتبوها
تبيكم عجب انتم ماتبوها
بعدكم روحي طفله ماتبوها
تشم عطر ألمحبه منهوأنه
ذاب ألxxx صدك منهوأنه
بحيث أنسيت أسمي منهوأنه
وريدك فدوى تسألي عليه

حدى حادي الرچايب وانحبالهه
واشوف ارسوم دارك وانحبالهه
الموده وين صارت وين حبلها انگطع لونرتجي تعودون اليه

مهله انطيني واصبرلي لعلماك
خاف تكول مايدري لعلماك
انه الساريه الواكف لعلماك
من اطيح تطيح خركه عالوطيه

صرت منخل لاجل ربعي ولما٠
وطبعهم ماي ما يلم ولما٠
شلتهم طاحوا كبالي ولما٠
طحت ركضوا خذو ثوبي العلية

بعد كفي الصبر روحي وملي
بعد ماظل دمع ينصب وملي
الشدايد تظهر لضدي وملي
النفاها تبين الضدي الية

اجلي حديد الزمن مبرد وانا
منجلي
بس جيت الموت ما منهه ابد
منجلي
يكولون ليل الحزن لابد وان
منجلي
وتطلع علينه شمس لمن وكتهه
يحن
وجف الهجر حنته للحنه يرجع
يحن
يفلان تدري شوكت xxxك علي
يحن
لمن على السنبلة يعطف xxx
منجلي

يفزفزة طفل روحي منشفاك٠
اشفه وتصحه كل روحي منشفاك

سلام وطيب يحبابي وصلنا
اوعسى ماينگطع منكم وصلنا
الهوى اليهب منكم وصلنا
اشمة وترد الروح ليه

تبقى الصديق الوفي لوطال بعدك سنه
ونارالهجربالگلب الهه لهيب وسنه
وحلل زماني الذبح صاطورجاب وسنه
ماانسى حبك ترى لوگطعوني گطع انته اخوي الذي مايوم وصله گطع لوجاع غالي الگلب من گلبي اگطع گطع وان راح نص العمريكفنيني اشوفك سنه

اسهامك بالگلب صابن ولاحن
وگلبك مابچه لحالي ولاحن
لهلال العيد ماافرح ولاحن
افرح من تجي انته أليه

مصايب سود تمطر علي دنياي.
وناقوس الوداع اليوم دن ياي
.تقرب ياشريك العگل دن ياي.
وشوف فرگاك شعمل بيه

حبيبي العمر يركض من يتاني
..وانا العطشان منك مي أتاني.
.تعال اليوم باچر ميت آني
..ولو باخر نفس تلحك عليه..

حبيبي الشوك لا تگطع وصاله
الك بالگلب چم غرفه وصاله
نجوى تروح الك فدوه وصاله
ووياهن لطيفه التونسيه

اظل چم دوب امروتگول مرمر
ماچنت ادري گلبك صخر مرمر
صحيح الصبر طعم الصبر مرمر
لچن نجني الثمر بعد الاذيه

امل مابگــــــه عدنه راحه منه
وعمرنه بس متاعب راحه منه
الصبر ياصاح ارشف راحه منه
ولو طعم الصبر طعم المنيه

هوى نفسك لحب المال مالك
وعلى گيدي تصد بالنظر مالك
لا انته عليــــــك ايدوم مالك
ولاانه يظل گيــــــدي عليه

وحگ مكه ومنه والحجر والبيت
دليلي مادعاك ابيوم والبيــــت
بيدك خذت هرش الگلب والبيت
اگطعتهن والنواهي اگطعت بيه

اعله همي بالله ساعدني ولي عين
ابسيود احشاشتي جمرك ولي عين
الي دلال يـگطر دم ولي عين
تشوبح عالدرب تنتظر جيه

جرت بالدهر والامه ومره
وليالي امفارگك صعبه ومره
مره ابتعد عنــــك ومــره
يجرني الشوگ من غصبن عليه

اعتمرنه ابكعبه الحب وانطفينه
ابودادك ما نطينه وانطفينه
اشتعلنه ابنار خدك وانطفينه
ابرضاب اشفافك المعسول ميه

لتسرع بالصواهل دم اهلها
ودمعاتي اعله خدي دم اهلها
عشيره الماتطالب دم اهلها
تگضي العمر بالذل والاذيه

الخوه مو انطيني وهاك مالن
عجب xxxك لحد اليوم مالن
علي شفت الليال السود مالن
تعال وشوف باسن حتى اديه

هاك اجروح گلبي شلبيها
وجميع اعظاي صارت شلبيها
حياتي عگب عينك شلبيها
اموت ولا يمر شامت عليه.
عرش فرعون ماباقي وهالك,
ولي يكرهك عسى ميت وهالك
, ماأظن حبك يضعف وهالك
,تظل انت عزيز العمر ليه


عتب للي يعرف العتب وديــت
والك من دون كل الخلك وديت
علامك ياجـــــرح خزنت وديت
گصو بيك الربع وگصيت بيــة

بعيد أو لاجنح عندي ومركم ..
أوصرت خاضع على أمرألله ومركم..
ألبعد لا بد يوم يخلص ومركم..
وعاتب كل محب ما ينشد عليه..

ألك مني سلام وألف مرحب
أشكثر مرت صداقه وأشكثر مرحب
وحك من طبر بالسيف مرحب
تظل أنته الصديق الوفي ليه

أنايامن مسكنك روحي ودارك
وك گلي شبدل اطباعك ودارك
طريح فراش من بعدك ودارك بخطر والموت متحتم عليه

انا الصياد صادتني شبكتك
ودخيل الله اشكثر حلوه شبكتك
اتصل كل يوم مشغوله شبكتك
اضن مغلق جهازك بس عليه

يهل جنت بوصالك مر علينه
مثل حنظل فراگك مر علينه
امس بليل طيفك مر علينه
وذكرنه ايامنه المرن سويه

هوينه ومن هوينه منهوينه/
غشمه وماعرفنه من هوينه/
ياهوالگال يوفي منهووينه/
اذاتلگاء اگص اثنين اديه

ومرسال
حبيبي بكل نبي احلفك علحبك
ومرسال
دمع عيني صفا حنظل من بعدك
وامرسال
سلام وشوك ابعثلك من عندي
ومرسال
ومن اوديلك مسج دزلي تحية

گبل عنگود خدك يمداني.
وصطيت وجفن عينك يمداني
اغم گصتي واصيحن يمداني
يمي وماخذت ثاري بديه

گتله البصدرك ولك تين گالتلي
ولك جوز گتله الواحد المنهم گالتلي
ولك جوز گتله اريد اگرص اخديدك گالتلي
ولك جوز ترف وبين النشان بيه

گلبي شتاك للعشره ورمهــــــــا وانه جروحي گبرن ~~ ورمهــــــا حبيبتي دآئماتمشي ~~ ورمهـــــــا أصيح وتلتفت أمهه عليه
عيونه گبل ماشفني...شتمني
مدري شراد عقلي...شت مني
هجم بيتج يروحي...شهتمني
تمنين الذي يصعب عليه

غيرج ماحلى ابعيني...ولاطاب
ولادونج دخل گلبي...ولاطب
يجرحي وياج ماهود...ولاطاب
دم ينزف ولاتدرين بيه

طحتلي بربع عگبك‎‏...فطراني نهر يابس وهجرك...فطراني صوتك وانه صايم...فطراني منشوفن صورتك شيصيربيه%
عسل ومصفه من شفتك/منشفاك احب كل يوم ابوسنك/منشفاك يفيض الهيل والعنبر/منشفاك لون تغفى وانومك بين اديه*
علا جفاك النوايب...حته مني ولا ظل أمل عندي...حته ملني أغار عليك صدك...حته مني من الج بسمك أهيس نار بيه

علي ثوب الونين اشكثر...حالي
بشباب وهل شبت من دون...حالي
انشدعلى احوالج مثل...حالي
طايح والهموم تشيل بيه

شفتك گمت ما شوفن ولاحد وخريطه عليك متكظني ولاحد بموتك انا ما ابجي ولا حد اريد وياك تاخذ ني المنيه
صديجي اشگد اليه اسهام ...صدلي صحتله ولا عليه التفت ...صدلي صگر فالح ولا فد يوم ... صادلي حيايه اجيب وذبهن عليه
راس المال انته وتجاره وعليك دموع العين تهل وتجاره هيعونه صار جارك وانته جاره ويشوفك كل صباح ومسيه.

رخة گلبي علا مودك( مرخصتك )
اسوم بيك غالي( مرخصتك)
دستني دگلي( مرخصتك )
حتة ابراحتك تسحك علية


حبيبي أعذرني خاف وياك *زل زل*
لساني وكل حجي موزين*زل زل*
من أشوفك وسط روحي يصير*زلزال*
وخلايا الدم خلية أطك خلية.

حزن گلبي بثگل يذبل (علامت)
فگته وبيه شماتي (علامت )
رگد حيلي وصرت جني (علامت)
ستفهام وزماني نعوج بيه@

دليلي شمايون تدري وناليك احصلك ياوگت گلي وناليك قدر مكتوب الي انته واناليك مثل قيس بزمان الجاهليه
دمعتي شما انشفنهة تبي اتسيل*
وعلي ايام هجرانك تبي اتسيل*
اذا أنته على حالي تبي اتسيل *
*زماني والوكت صفوعليه *

دوم انشد عليك ألراح والرد . . .
ألوفه منك نبع والطيب ورد . . .
ردت منك جواب إلهاي والرد . . .
أعزالناس مايسأل عليه .

تعال يلجعفري أرجع ولك رد
هذا الشعب صوتلك ولك رد
لبني مالك صارت السلطه والاكراد
وانه من العراق أغسلت اديه
انا الصياد صادتني شبكتك دخيل الله شكثر حلوه شبكتك أدك عليك مشغوله شبكتك
يمتى ياحلو تفرغ أليه

اهمومك ماخلن...علي حال
فريضه وحبك من الله...علي حال
يالتشدعلى حالي...علي حال
شفيدالندم عالصاربيه

بنص جهنم ارد اذب روحي.وصلهه لأن محد إمن احبابي.وصلهه الخوه ظاع معناه .واصلهه وبعد ماظل اخو يحن لخويه

امرعلى الدارواسمع...حنه بيه
ضلوعي والمفاصل...حنه بيه
لاتنضرجفوفي...حنه بيه
مسحت الدمع دم نثربديه‎

أشو حجيك صار يهظمني¤ورداك
ولا أگدر أشوفنك¤وردك
وذا أنت ذبل زرعك¤وورداك
أصيرلك زرع وسگيك ميه

_الك اشكي تعب نفسي وحالاي
بسبب محدمن احبابي وحالاي
بعدماطيب لوينزل وحي لاي
وظل متعوب دنياوأخرية

احبك وامااحب بشرعلى الارض...سواك
سبحان الذي من طين...سواك
بشرلكن ويه القمر...ساواك
واحد فوك واحد بين أيديه

أذا التاريخ ينسى الطف ابطل وانسى عشرتكم واذا الشيعه تبيع حسين افكريوم ابيعنكم واذا كبور النجف شالت اشيلن وابتعد عنكم واذا مريم تبرت يوم من عيسى تبرت روحي من عدكم .

أذا متريدني احجي_وريحاني
وبعطر الفراك يسمر_ريحاني
اجيت اني ارد اگلك_رايحاني
تگلي بكل سهوله هاي هيه

اذن بيك گلبي_هكذانه
اموت اولا اگلك_هكذانه
طفل گلبي تجاوز_هكذانه
الويه ارجوك خاف ايعم عليه

اريد امشي بصحاري وأرض وسعى على مشعر الطويل وعين وسعى بالله عليك يحفار الگبر وسعى اخاف اتصير موتتنه سويه
إشفنه من عمرنه شفتهمنه وهمنه إگبال عينك شفتهمنه ذبحنه وفوك ذبحه شفتهمنه يگلهم بلذبح تعبولي اديه

اصدوازعل وادورالعين طبعآ
لأن جلمات الك بلگلب طبعآ
حلوبكلشي لكن بيك طبعين
تشك وتغارمن روحي عليه

أفرح لوشفت وجهك وسربيه واحبك بلگلب ثابت وسربيه شماطال الدرب المشي وسربيه واجيب الروح لعيونك هديه
اقدم الروح لحبابي وسلم
واصافح راحتي ابچفهم وسلم
يارب العرش صلي وسلم
على المصطفه واله بكل مسية


افتراضي رد: ابو ذيات

يعطيك العافيه علي هذه الا بيات الجميله

دمت بكل خير

افتراضي رد: ابو ذيات

الأخ ابو ذيات

الشعر العراقي من أجمل الأشعار ( خصوصا النبطي )

هذه معلقة في الشعر العذب

جميل انت و العراق

تحياتي



الكلمات الدلالية (Tags)
ابو, ذيات
أدوات الموضوع
انواع عرض الموضوع


المواضيع المتشابهه
الموضوع كاتب الموضوع المنتدى مشاركات آخر مشاركة
آل نهيان من إمارات قبيله بني ياس الهوازنيه حسب حروف المعجم mohamadamin منتدى القبائل العربيه والتراث الشعبي 5 12/12/2013 01:11 AM




الساعة الآن 06:16 AM.
معجبوا منتديات الوليد بن طلال