شاركنا بأجمل أبيات من الشعر .

ألا يالله .. ياللي تفتح .. لدعو الدّعـاه أبواب
طلبتك لا تضيّـقها .. علي و تقفل أبوابي

أبي ذكرٍ يجمّـلني مع الأقــراب و الأجنــاب
ولا تكسر شموخي في عيوني أعداي .. وأصحابي

أجـابه .. حظ؟ و الاّ حـزن .. و الاّ حب .. و الاّ أحباب
عمومـاّ .. بستمر أوقف جبل و يطيح شذّابــي

ثمان سنين و أنا أطمح .. وخمس سنين و أنا أرتاب
إلين أقفو عليه أهل القفا .. وأقفا .. و قفّـا بي

وضع قلبي على جمر الغياب وذاب حتّـى ذاب
وساح وساح وساح وساح وساح و طيّـر أسرابي

لماذا ؟ و الاّ ليه .؟ و كيف .؟ و الاّ شلون عنّـي غـاب؟؟
وأنا وجودي وجوده فـ البلد و غيابه غيابي ؟؟

أحبّـه كثر ما شفت الخيانه في عيون أصحــ ــ ــ ــاب
و أحبّـه كثر ما أعقول الدواهي .. تحسب أحســابي

و أحبّـه كثر ما قفّـى عن عيوني بدون أسباب
وكثر ما أملى له أكواب الغلا .. وينثّـر .. أكوابي

أنا رجّـال .. ما يؤمن .. بقول أن الزمن غـــلاّب
يغلبوني رجال .. ولا الزّمـان ايصير .. غـلاّبــي

عليك الله و أمان الله وستره يـ ابيض الجلباب
ترى مابي .. يبيك .. ولا تزعلني .. على مابي!!

تعبت أعلّـقك بين النجوم و تطلع الكذّاب .؟؟
وتعبت أوسّـع الخاطر معك .. و تضيق بي أثيابي

مـ عاد أضنّــي أتجمّـد على صدرك .. رضــا .. و أنساب ؟؟
بعد ولّـعت لك سيقارتي ّّ .. وأحترقت .. أعصـــابي!!


الشــــــاعـر /// سعد علوش - - - - المرعـب