شاركنا بأجمل أبيات من الشعر .

[align=center]يابـوي جعلك للبقا والمكاسيـب
عمـري بدونك يالذّرا ويش أبي به
يابــوي تسـأل عن شفـاك المراقيب
طلعـة سواتك للنّوايف غريبه
وش بك تحاتي لانوى الموت تغريب
تخشى علينا بالليّالي الكئيبه
خـذ دلــّتك واركـى على مسند الجيب
وعطني شماغك بلثمه وأحتمي به
ونـروّح لأرض ٍ بهـا العشب والطيب
وتسمع كلام ٍ يالغلا تحتفـي به
يابوي بنتك لا انحكى بالتــّجاريب
كـل ٍ يشق لهيبه الصّيت جيبه
يابـوي ماني من سوات المخاريب
اللّي تجيب لعليَة القـوم خيبه
وماني من اللّي لامشت حفّها الرّيب
أنا من اللّي مايـدنـّس حليبـه
مرفوع شاني عن غرام المكاتيب
وأكبر من إنّني أرتضي بالحبيبه
أنا غرامي لاابتدوا بالتّراحيب
نفوس الأوادم في وجودي رحيبه
خضّبت لك كفّي من العز تخضيب
ورفعت راسي للنّجوم الصّعيبه
والله لأسدّك بالفـعول المصاليب
والله لأشيلك بالرخا والمصيبه
طلع المعالي ما انحكم للشّواريب
بنت ٍ وأناطح فارس القوم طيبه
وياشيخي إبشر لوتدور الدّواليب
بنتك إلا منّه عوى الـذيب >> ذيبه [/align]