العودة   منتديات الوليد بن طلال > منتدى روايتي , قصائد , شعر , خواطر , نثر , قصائد فصحى , قصائد صوتيه > شعر - قصائد - نبض القوافي - قصائد حزينه - قصائد مدح


شعر - قصائد - نبض القوافي - قصائد حزينه - قصائد مدح قصائد حزينه قصائد مدح قصائد حب قصائد رومنسيه قصائد خيانه شعر خيانه شعر حزين شاعر المليون شاعر العرب قصائد مقرؤه ومسموعه , شعر نبطي , شعر شعبي , شعر قديم , شعر رومانسي , شعر جاهلي , قصائد للأعضاء , دواوين شعريه , شعراء الساحه العربيه , قصائد صوتية للأعضاء , أبيات شعرية تترجم مشاعرك وأحاسيسك هنا


موضوع مغلق
 
LinkBack أدوات الموضوع انواع عرض الموضوع
قديم منذ /07/09/2008, 01:54 AM   #31

من كبار الشخصيات
إرسال رسالة عبر MSN إلى قيصر المنتدى إرسال رسالة عبر Yahoo إلى قيصر المنتدى

قيصر المنتدى غير متصل

رد: @ تعال ... تعالي ياذوق : شاركنا بأجمل بيت من اشعر @@@

رد: @ تعال ... تعالي ياذوق : شاركنا بأجمل بيت من اشعر @@@

 

اقتباس:
المشاركة الأصلية كتبت بواسطة اللؤلؤه النادره مشاهدة المشاركة
   جابك الله من غياب ٍ ضيّـق صـدور المبانـي ..,
قبل لا الوحشه تزعزع بيتـك الصلـب وتبيـده ..,

بيتك اللي من رحلـت وكـل جدرانـه تعانـي ..!
ماتحمـل ينتظـر شهريـن وعيونـك بعـيـده ..,

الله العالـم لـو إنـك جيـت متأخـر ثوانـي ..:
ماتشوف إلا بقايـا مـن حصـاه ومـن حديـده ...!

من عرفتك وأنت تايه من موانـي لـي موانـي ..
وتارك ٍ قلبي مولّـع مـن وقيـده فـي وقيـده ..,

ضاعـت سنينـي أحـدّ بهاليالـي وتحـدانـي ..,
وأنت ماتشبع غيـاب ولاتخـاف مـن النقيـده ,,

ودي أتحمـد لـك الله بالسلامـه , مامـدانـي ..!
كل ماتوصـل برحلـه ترجـع برحلـه جديـده .!!!

دام تدري كـل وجـه ٍ غيـر وجـه الله فانـي ..,
ياخي أكسبلك ثواب وخاف ربـك فـي عبيـده ..,

كان فينـي عيـب قلي: فينـي العيـب الفلانـي ..,,
كان هرجي مزعلـك فـي شـي قلي : لاتعيـده ..!!

عيب تصغر في عيوني وأنت برقـاب الغوانـي ’’
كيف تستسهل طعوني وأنت خابرنـي وليـده ؟

لعنبوك أن مت بيدك من يفكك مـن أخوانـي ..؟!!
لا احزنوا ربعي على فرقـاي شاللـي تستفيـده ..!؟

أنت منت اللي عشقته أنت أكيـد انسـان ثانـي ..,
ليه صرت بهالبـرود وبهالاحاسيـس البليـده ..؟

وين حبك للزعـل .ويـن العنـاد الأولانـي ..!؟
وين حنّية زمـان وفرحـة العمـر الرغيـده ..؟

وين ذاك اللي اليا أقبـل مايبـات إلا بأمانــي ..!
وين راح اللي اليا أقفـى مايـروح ألا فقيـده ..,؟

واحد ٍ مـن جابـه الله بـس يامـر ويعصانـي ..’
الوحيد اللي أخافه غصب وأمشـي معـه سيـده ..,

(مابغيت أطيـح بايـده) ليـن ماربـي بلانـي ..!
والا أنا لو هي بكيفـي (مابغيـت أطيـح بإيـده) ..,

ذاك بس اللـي يامـن جيتـه يلخبـط كيانـي ..,
اللـي بنظـره ينشـف دم قلبـي فـي وريـده ..,

قبل أشوفه أجمع له أحلى القصايـد و المعانـي ..’
وأن لقيته ماعرفـت أقـول لـي جملـه مفيـده ..,

الف مـره قبلـه أعـد القصيـده مـن لسانـي ::
ولعنبوه أن جيت عنده قمت أخربـط بالقصيـده ..!

أمدحه وأنـا أدري أنـه لـو تباطانـي نسانـي .!!
أنطحه وانا أعرفـه مجنـون وأفكـاره عنيـده .,,

من يسوي بي سواتك يالرهيـف الاسمرانـي ..,؟
منهو من الناس غيرك غلطته ترفـع رصيـده ,,؟

من يقص(جناح طيرك)وأنت أعز أنسان جاني ..؟
ليه أخاف(رماح غيرك)وأنت ضرباتك سديده ؟

ان تبعتك .أتبعك مـن طيبـي وواسـع بطانـي ,,’
وإلا أنا لاجيـت أكيـد انسـان عـزالله بكيـده ..!

أقدر أنزع لك ثيابـي وألبـس ثيـاب الأنانـي ..!!
وأقدر أطلع من عذابي والعب بـدورك وأجيـده ..’

ومستعد أكسب رهاني لو بغيت أكسـب رهانـي ..,
وأخدعك باحساس كاذب وأتحـدى مـن يصيـده

أبك أنا لي شفت خلّي حط غيـري فـي مكانـي ..’
والله إني لااتركه وأن صـد لعشـق سيـد سيـده ..,

جيت مابيك تحقرني جيت أبيـك تعـز شانـي ,,’
جيت أبي فزعة ظلوعك من مشاعـرك البليـده .’’

خلني داخل (حدودك) وأجبـر بخاطـر زمانـي’’
أكذب بباقي (وعودك) وأصدق بلحظـه سعيـده .,,

أنتشلني مـن (بـرودك) لـو تولّـع بالمحانـي ..’
عطني أحساس (بوجودك) وأخذ كل اللي تريـده ,,’

تكفى واليا قلت :تكفى بيـع خلـق الله عشانـي ..,
لاتضيّع من يدينـي فرصـة العمـر الوحيـده ..,

يعلم الله شفـت منـك ومـن غيابـك ماكفانـي ..!!
كـان ماتقـدر تخفـف هـم قلبـي !! لاتزيـده

شف غيابك وش يسـوي بالصـدور وبالمبانـي ..!!
وأنت تدري كيف كانت صدمة غيابـك شديـده ,,’

والله أنك لـو وصلـت البيـت متأخـر ثوانـي ..,
مالقيت إلا بقايـا مـن حصـاه ومـن حديـده ..!!
(( بقـــلم / حـــامد زيــــد ))





[align=center]@ لك من إسمـــــــك نصيب يا الـــــــنــــــــــادره




يســــــــــــلم قلبــــــــــك يالــــــــــــــغـــــــــــــــــلا @
[/align]


 
قديم منذ /07/09/2008, 03:30 AM   #32

عضو موقوف وغير موثوق فيه
إرسال رسالة عبر AIM إلى معاذ محمدبودوخي إرسال رسالة عبر MSN إلى معاذ محمدبودوخي

معاذ محمدبودوخي غير متصل

افتراضي رد: @ تعال ... تعالي ياذوق : شاركنا بأجمل بيت من اشعر @@@

 

~*¤ô§ô¤*~*¤ô§ô¤*~آل هيـال الله يعطيك الصحـه والعافيه أخوي علـى فكرهـ الموضوووع.

مشكوووور..
...........................
دخون
*********
هو فيه مثلك .. ياللي الحسن ظلك
ليه العطر؟!
وانتي انفاسك دخون
وليه الكحل
وانتي ماغيرك عيون
وليه تفكيركيكون
انك تكوني دايم اجمل
انتي اجمل
من جمالك
من دلالك
منخيالك
ياللي كل افراح قلبي والحزن
في المسافة بين فرقاك ووصالك
وليهيالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتيماغيرك عيون
وانا احبك .. وانتي انفاسك دخون
ياللي احبك .. ليه احبك ؟
او ليه ماحبك .. ؟!
وانتي علـّمتيني ان الحب كله اسئلة ما تنتهي
ليه مااحبك .. ؟!
وانتي علـّمتيني ان الحب لا غدا لمثلك .. ابد ماينتهي
يالليعلـّمتك عذابي والهجر .. ليه ما احبك ؟!
ياللي علـّمتك تكوني ..في ضعف ضعفك .. اقوى مني
يا انتي ضحكاتك تغني .. وابتساماتك شعر
يا انتي ضحكاتك تغني .. وكل ما شفتك اصر
انك اجمل من جمالك .. من خيالك .. من دلالك
على حبك انا .. بقفل ابوابي
وبطيوفك انا.. بسقي اهدابي
يا انتي .. يا انتي احبابي
تصدقين .. تصدقين .. صدقي
قلبي لكي وحدك . .صدقي




طبعا غناء عبادي الجوهر
~*¤ô§ô¤*~*¤ô§ô¤*~



 
قديم منذ /07/09/2008, 11:15 PM   #33

من كبار الشخصيات
إرسال رسالة عبر MSN إلى قيصر المنتدى إرسال رسالة عبر Yahoo إلى قيصر المنتدى

قيصر المنتدى غير متصل

رد: @ تعال ... تعالي ياذوق : شاركنا بأجمل بيت من اشعر @@@

 

اقتباس:
المشاركة الأصلية كتبت بواسطة معاذ محمدبودوخي مشاهدة المشاركة
   ~*¤ô§ô¤*~*¤ô§ô¤*~آل هيـال الله يعطيك الصحـه والعافيه أخوي علـى فكرهـ الموضوووع.

مشكوووور..
...........................
دخون
*********
هو فيه مثلك .. ياللي الحسن ظلك
ليه العطر؟!
وانتي انفاسك دخون
وليه الكحل
وانتي ماغيرك عيون
وليه تفكيركيكون
انك تكوني دايم اجمل
انتي اجمل
من جمالك
من دلالك
منخيالك
ياللي كل افراح قلبي والحزن
في المسافة بين فرقاك ووصالك
وليهيالقلب الحنون
تاخذك فيني الظنون
ضيعتي عدلك .. هو فيه مثلك .. ؟!
انتيماغيرك عيون
وانا احبك .. وانتي انفاسك دخون
ياللي احبك .. ليه احبك ؟
او ليه ماحبك .. ؟!
وانتي علـّمتيني ان الحب كله اسئلة ما تنتهي
ليه مااحبك .. ؟!
وانتي علـّمتيني ان الحب لا غدا لمثلك .. ابد ماينتهي
يالليعلـّمتك عذابي والهجر .. ليه ما احبك ؟!
ياللي علـّمتك تكوني ..في ضعف ضعفك .. اقوى مني
يا انتي ضحكاتك تغني .. وابتساماتك شعر
يا انتي ضحكاتك تغني .. وكل ما شفتك اصر
انك اجمل من جمالك .. من خيالك .. من دلالك
على حبك انا .. بقفل ابوابي
وبطيوفك انا.. بسقي اهدابي
يا انتي .. يا انتي احبابي
تصدقين .. تصدقين .. صدقي
قلبي لكي وحدك . .صدقي




طبعا غناء عبادي الجوهر
~*¤ô§ô¤*~*¤ô§ô¤*~






[align=center]@ هــــــــلا بك أخــــــــــوي معاذ



إختيــــــــــار ذوق ياعــــــــســــــــــل




سعيــــــــد بمشـــــــــــاركتـــــــك @
[/align]


 
قديم منذ /07/09/2008, 11:18 PM   #34

من كبار الشخصيات
إرسال رسالة عبر MSN إلى قيصر المنتدى إرسال رسالة عبر Yahoo إلى قيصر المنتدى

قيصر المنتدى غير متصل

Thumbs up رد: @ تعال ... تعالي ياذوق : شاركنا بأجمل بيت من اشعر @@@

 

[align=center]الشاعر صاحب السمو الامير سعود بن بندر رحمه الله شاعر انتقد نفسه بنفسه قبل النقاد حيث قال في مقدمة ديوانه: «لي نقدي الخاص لكل قصيدة من قصائدي خصوصا تلك التي كتبتها في بداية الطريق» سعود بن بندر هذا الاسم الذي تقف امامه الاقلام تقف امام انسانيته وشاعريته وادبه وكرمه وامارته قالوا عنه سعود بن بندر قصيدة الانسان الخالدة، قال عنه الشاعر الامير عبد العزيز بن سعود «السامري شاعريته تفوق الخيال وذات ليلة كتب سبع قصائد افكارها مختلفة» قال عنه الشاعر الحميدي الحربي:



وإن كان ميزان العقول المناطيق
بين الرجال اللي تسامت بأدبها
فعز الله إنك في مثل قمة طويق
من فوق ناس مستواها عجبها


كما قالت عنه والدته حفظها الله :



جرحي على سعود ما ينفع به الطبي
وشلون أبسلى وهو دايم على بالي


انه شاعر بكل ما تحمله كلمة شاعر، كتب بصدق بوضوح بحس يبكي من يغوص في بحر معانيه:
حيث يقول:



حاول واحاول يصير فراقنا هادي
الله عطانا العقل حتى يعيننا


قال لوالدته:



يا ليتني بينك وبين المضره
من غزة الشوكة إلى سكرة الموت.


ثم قال لأبيه:



يا بوي يا عزي ويا تاج راسي
يكفي من افضالك علي نسبتي لك


قال لمحبوبته:



اقول في نفسي وانا اعايد الناس
متى بشوفك تكمل افراح عيدي


انه شاعر تشرف الشعر والادب بقدومه وبكت صفحات الادب قبل اعين الناس عندما جاء خبر وفاته مدويا سماء نجد التي قال فيها:



حب الثرى لا جيت نجد الحبيبه
وصل سلامي يا مسافر للأحباب


كان والده صاحب السمو الامير بندر بن محمد بن عبد الرحمن يحرص على سماع قصائده وخاصة من رواة الشاعر سعود بن بندر حيث قال سموه : اسعدني كثيرا عندما سمعت ان سعود يقول الشعر.. وفي يوم جاء للسلام احد رواته وطلبت من الراوي آخر ما كتب سعود فقال:



موت القلوب يفوق موت الرجاجيل
شوف العيون وما يبي له شطاره


ثم قلت له ماذا بعد فقال:



حظٍ وضعني بين هذا وهذاك
انا اشهد انه ضرني ما نفعني


حيث طربت لما سمعت منه لسعود رحمه الله.
وعندما نقرأ ديوانه الشعري نجده روضة امتلأت بالازهار نجد حسن الابتداء في مطالع القصائد مثل:



لي لزوم هناك وهنيا لزوم
والهنيا اهون خطاها من هناك


حيث ان هذا المطلع للقصيدة «عطني العزم» ابدع الشاعر سعود بن بندر في ترويض هذه الكلمات لتحمل الروعة والجرس الموسيقي الشفاف.
كما نجد البساطة والعفوية وعدم التكلف والتصنع للمعاني وذلك واضح في قصائده:



وش عاد اقول وما بقى عندي اسرار
كلش تشوفه واضح في عيوني


وقوله:



قالو تحبه قلت ماهوب بالحيل
بس انه اغلى شوي من نور عيني


وقوله:



ماهو غلط تشعر بزلتك وتعود
صدري وسيع للعذر والسموحه


وقوله:



ترى اللي يسليني عن مشاهدك ذكراك
انا مستحيل انساك اخاف انت تنساني


كما نجد الحكمة النابعة من التجارب في هذه الدنيا ولوعات هذا الزمن حيث ان الشاعر سعود بن بندر ذكر ذلك في احدى قصائده قائلا:



ياللي شكيت الهم ترا الليالي
ما ورتك منها بعض ما نشوفه
ياليتك بليله تجرب بدالي
وتحس وش معنى الصبر والكلوفه


وقوله:



ومن يطيع القلب ينكر فضل عقله
ومن قوى رغبات نفسه في ملامه


ونجد كذلك الوصف والرسم والتصوير الخيالي مثل:



الشمس تشرق نورها صبح من شرق
وانت بجميع اوقات دنيايه أشراق


وقوله:



كاتب حبك بمدى الجراحي
فوق راسي غير حبك ما اطيع
مثل ما يكتب على صيهد رماحي
المطر فوق الرمل يكتب ربيع
او مثل صدح الحمامه بالنواحي
في بقايا اطلال ما فيها سميع


هكذا انطلق الشاعر الامير سعود بن بندر واسع الخيال يرسم بريشة تحمل الصدق والمعاناة كما يقول:



كان اسمعك شعر تزلزل له القاع
يسوقه احساس خفوقي يجيشه
اعدل ابياته على كل مصراع
وأحوله لوحات فنان ريشه


هكذا انطلق الشاعر سعود بن بندر الذي عاش في وقت نمو السكان ونهضة العمران متمسكا بعادات اهل الكرم والجود عادات آبائنا واجدادنا، لقد واجه هذا التطور بثياب العادات الحميدة متجردا من كل الصفات المظهرية وكان يطالب بعدم الانجراف وراء تيار التطور والتقدم على حساب ترك مبادئنا وعاداتنا:



مع التيار والدنيا الجديدة
ركبنا موج بحر ما نريده
نسينا كل ماضينا وأهلنا
ورمينا ثوب عادات حميده
طفحنا فوق موجات الظاهر
وعنا صارت الراحة بعيده


وقبل هذا كله فقد كان سموه باراً بوالديه حميما معهم انه نموذج للابن البار، يقول راشد بن جعيثن أسمعني سموه قصيدة «تاج عزي» عبر الهاتف فبكيت، فسألني ما بك يا راشد فقلت يالامير ابكاني برّك بوالديك، وهذا واضح في المراثي التي رثته بها والدته صاحبة السمو الملكي الاميرة البندري بنت عبد العزيز حيث انها تدل على الحب والوفاء والبر المتبادل مع ابنها حيث تفجرت قريحتها بأجمل القصائد التي تحمل معنى الأمومة في رثاء ابنها تقول:



ياليتني حطيت انا عنك بالعود
وانت معافا يا جنيني صحيحي
والله لاصبحك لين اجاورك يا سعود
الله يعجل جنب قبرك مطيحي


وقولها:



لين اجتمعتو لدت العين لسعود
قامت تلفت وين قرة نظرها
أضحك وأنا قلبي من الحزن ملهود
وأغضي وأذل العين تنثر دررها


ورحل سعود بن بندر احد أهرام الشعر الشعبي والادب السعودي ولكن بقي شاعر واسمه قصيدة بذاته.
ومن روائع سعود بن بندر:



حتى ولو ما عندي أحدٍ يساويك
لاشك تسوى كل حب الكرامه
ان زرتني مشتاق لي ياهلا فيك
وان غبت مرخص شوفتي يالسلامه
ما دمت تحمل لي المودة فأنا أغليك
ويعطيك قلبي كل صادق غرامه
وان صد قلبك واصبح البعد طاريك
قللي ولا يلحقك مني ملامه
لا طالبك ترجع ولا قايل أبيك
على المقفي كيف أحس بندامه
[/align]



 
قديم منذ /07/09/2008, 11:20 PM   #35

(( سيد الشخصيات ))

مــــا فقدتـك غير متصل

افتراضي رد: @ تعال ... تعالي ياذوق : شاركنا بأجمل بيت من اشعر @@@

 

هذه قصـة“بصري الوضيحي” الشمري والقصة تقول:
ان بصري الوضيحي ذهب ليحج إلى بيت الله ..وان يتوب عن الغزل والتغزل ..كونه مشهور
بالغزل .. وبعد كبر سنه نوى أن يتوب ..
طلب من ابنه الحج ... وبعد ما سعى وطاف أراد ان يقبل الحجر الاسود ..
ولكن الحجر الاسود كان مزدحم من الناس ...رجال ونساء ... والرؤوس متقاربه بعضها لبعض ..
فتزاحم معهم بصري وابنه .. وعندما وصل الى الحجر يريد تقبيله ... وجد بينه
وبين الحجر ...خد فتاة جميله كانت تريد تقبيل الحجر ... وفي هذه اللحظة السريعة
انبهر بصري الوضيحي من لمعان خد البنت وبدل مايحب الحجر حب وجنة البنت ....
فقالت له البنت حج ياشايب .... وحاول ولده أن يرقع الموضوع قال هذا شايب
تايه(مهذري) ...فخجل الوضيحي وقال لها يابعد حيي زلقت الحبة ابيها بالحجر وصارت فيك ..
.وصار هذا مثل ( ازلقت حبة الشمري )
وقال القصيدة :

التايه الي جاب بصري يقنه
هيض جروح العود والعود قاضي

جينا نحب ونطلب الله جنه
جنة نعيم يوم يبس الحياضى

ياليت كانت حبتي في معنه
يوم العيون عن الخوامل غواضي

يامن يعاوني على وصف كنه
اشقح شقاح ولاهق بالبياضي

الريح لازفرة ولاهي مصنه
ريح النفل بمطمطمات الفياضي

نهدين للثوب الحمر شولعنه
حمر ثمرهن واقفات غضاضي

والخد ذابوح القلوب المرنه
براق مزنٍ لاعق اللون ياضي

ياليت لو سني على وقم سنه
بايام مابيني وبينه بغاضي

أيام جلد الذيب عندي محنه
نصبح وزرق الريش لهن إنتفاضي

ياجرح قلبي جرح وادي وطنه
غر المزون اللي وطنه وفاضي

البيض قبلي محسنٍ عذبنه
ونمر على وضحى جرا له عراضي

والبيض كم ٍ واحد ٍ يبسنه
يبسة شماشيل العذوق النفاضي

عزي لمن غر الثنايا كونه
واركن على كبده كوايلٍ عراضي

الا ارتوى بستان قلبي سقنه
واخضر جنابه عقب يبست الحاضي

القلب غضات الصبايا شعنه
بنت الشيوخ مخدمين الحياضي

شوفي بعيني والخدم يركبنه
على زعاع يوم قوطر وناضي

فوق اشقح من زمل ابوها مضنه
ركبة عليه اتشنطح ٍ باعتراضي

وامشجر من سوق هجر مغنه
على خياطة نابي الارداف راضي

وين انت يامشفي على طردهنه
انا طويت ارشاي وقفيت قاضي

انا صدرت ووردهن عقبنه
على العدو مشرعات الحياضي

احد بوسط النار واحد بجنه
وترى البخيت اللي له الرب راضي

ويقال بعد مارجع الوضيحي ندم على مافعل وقال:

ياليتنا من حجنــا سالمينــا
كان الذنوب اللي علينا خفيفـــات

رحنا نبي نخفف ذنوب علينــا
وجينا وعليها كثرها عشـر مــرات



 
موضوع مغلق

الكلمات الدلالية (Tags)
@@@, أبيات, الشعر, اصغر, بأجمل, تحت, تعال, تعالى, ياذوق, شاركوا

جديد منتدى شعر - قصائد - نبض القوافي - قصائد حزينه - قصائد مدح

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
عيد الحب عشق حتى الجنون اسلاميات - الإسلام اليوم - طريق الاسلام - مواضيع اسلاميه 10 18/03/2010 04:15 PM
**الموسوعة الشاملة لحياة الرسول صلى الله عليه وسلم ** حمد الحميدي سلامٌ عليك يارسول الله ( أشهد أنك قد بلغت الرسالة وأديت الأمانة ) 10 30/12/2009 12:54 AM
الإعجاز البلاغي في التقديم والتأخير خالد سفنجه اسلاميات - الإسلام اليوم - طريق الاسلام - مواضيع اسلاميه 5 20/08/2008 02:44 PM
حقائق علم الفلك تشهد للقرآن الكريم بالوحي خالد سفنجه اسلاميات - الإسلام اليوم - طريق الاسلام - مواضيع اسلاميه 4 01/08/2008 06:50 PM
العقيده الصحيحه التي يجب على كل مسلم اتباعها dndonh اسلاميات - الإسلام اليوم - طريق الاسلام - مواضيع اسلاميه 5 19/07/2008 02:18 PM


الساعة الآن 05:34 PM.


Powered by vBulletin® Version 3.8.6
Copyright ©2000 - 2012, Jelsoft Enterprises Ltd.
Content Relevant URLs by vBSEO 3.6.0
تنويه هام : الموقع يحمل إسم سمو الأمير الوليد بن طلال حبا فى شخصه وفكره ولا ينتمى لا من قريب أو من بعيد بشخصه الكريم ولا توجد أى علاقة بنا سواء مباشرة أو غير مباشرة بين سموه وبين ادارة الموقع