كلمة من عندي وبيت " شعر " من عندك ,,

لــــحـــــظـــة عـــــــنــــــاد

راح الغرام وكل شيً طويناه

كلً تقفى وابتعد في سبيله

لحظة عناد اللي بنينا هدمناه

في سيل هجرً مارحمنا في سيله

كلً تناسى والغلا مانسيناه

بقلوبنا ثابت ولحدً يزيله

من يوم فارقته على البال ذكراه

من وين ما راحت عيوني تخيله

لوابتعد ما فكر القلب يجفاه

ولا كنت افكر يهتويني بديله

آيست من شوفه وحبه وطرياه

وآيست من عقب البطى شوفتي له

لا شك بالصدفة تلاقيت وياه

من بعد غيبات السنين الطويله

شفته وكلً هل دمعه من اقصاه

حتى الجسد عيى القدم لا يشيله

اقبل ويمسح دمع عينه بيمناه

في شوفةً فيها الاماني قتيله

وكلً ذكر ذاك العناد وخفاياه

وآخر عهود الذكريات الجميله

المشكله ماهي بشوفه ولقياه

المشكله شيً يزيد المليله




الاشواق