ظــلم الأقـــارب ..

السلام عليكم ورحمة الله وبركاته ..


أسعد الله أوقاتكم بكل خير .. حبيت أشارك بهالقصيدة وهي أول قصيدة أشارك فيها ..

القصيدة تحكي عن الظلم الله يكفينا وياكم من شــره لانه بشع خصوصاَ لا جـــــاك من الأقـــــارب :)






ظلم الغريب أهون ولا ظلم الاقراب......

لأن الظليمه من قريبك مصيبه



وعيب القريب اصعب من عيوب الاغراب

لأن القريب يعيبك اللي يعيبه



والله مايذبح طويلين الاشناب

غير القريب اللي طعن في قريبه



عقب القرابه والغلا صرتو احزاب !

ولحد ٍ جنى من فعلته كود خيبه



بالله لايكثر , ترى خاطري طاب

مليت من كثر الجروح العطيبه



الفرق واضح بين صادق ونصاب

والحق يطلع لو يطوّل مغيبه



وان كان بالدنيا محد حاسب حساب

بالآخره رب ٍ خلقنا حسيبه



وانا قسم بالله . لايمكن ارتاب

ولا حب هرج ٍ فيه نمه وغيبه



احب اقول الصدق حتى لكذاب

واحب اجازي من غمرني بطيبه



وإلا الردي له عندنا حفنة تراب

وان غاب ماقلنا عسى الله يجيبه



بس انت ياليتك تفكر بالاسباب

لان الظليمه من قريبك مصيبه



وســــلامتـــــكـــــم


تـحـــيــاتــي لـلــجــمــيــع

ضع تعليق بحسابك فى الفيس بوك

صح لسانهم وصح لساتك ولا هنتي ..

نورت المنتدي بمشاركاتك ..

دمت بخير وسعادهـ .. وننتظر جديدك .

ودي و وردي.

ألف شكر
الـــــــــــنايفة 2007
على مــــــــــرورك الــطيــب

تسلمين على القصيده

-----------------------------------------------------------

اااه وويلااااااه من عم ظلوم
بعد ما ابوي رقد تحت التراب

القمر لاغاب ما تفيد النجوم
يا عسى بيتا عقب عمره خراب

-------------------------------------------------------------

الله يرحمك يا والدي

رحــم الله والدك وجميـــع أمــــــــوات المسلمين ..

وألف شكـــر أخـــوي على الـــمـــروررر الـــعـــطر

لك منى كـــل شــكر وتقـــديــر